SUN குழுமத்திலிருந்து வெளிவரும் காலை நாளிதழ்

காலி ஸ்டேடியங்களில் கிரிக்கெட் போட்டியா? வக்கார் எதிர்ப்பு

2020-04-07@ 00:41:38

கராச்சி: கொரோனா வைரஸ் அச்சுறுத்தல் காரணமாக ரசிகர்களை அனுமதிக்காமல் காலி ஸ்டேடியங்களில் கிரிக்கெட் போட்டிகளை நடத்தலாம் என்ற யோசனைக்கு பாகிஸ்தான் அணி பந்துவீச்சு பயிற்சியாளர் வக்கார் யூனிஸ் கடும் எதிர்ப்பு தெரிவித்துள்ளார். இது குறித்து வீடியோ கான்பரஸ் மூலம் நேற்று செய்தியாளர்களிடம் பேசிய வக்கார் கூறியதாவது: காலி ஸ்டேடியங்களிலாவது மிக விரைவில் கிரிக்கெட் போட்டிகளை நடத்த ஏற்பாடு செய்யலாம் என்ற யோசனையை ஏற்க மாட்டேன். என்னை பொறுத்த வரை இன்னும் 5 அல்லது 6 மாதங்களுக்குப் பிறகு போட்டிகளை நடத்தலாம் என நினைக்கிறேன்.

உலகம் முழுவதும் கோவிட்-19 நோயின் தாக்கம் குறைந்து இயல்பு நிலை திரும்பிய பிறகு, ரசிகர்களை அனுமதிக்காமல் போட்டிகளை நடத்துவது குறித்து பரிசீலிக்கலாம். ஆனால் இந்த மாதமோ அல்லது அடுத்த மாதமோ உடனடியாக போட்டிகளை நடத்துவது ஏற்புடையதாக இருக்காது. அதே சமயம், கொஞ்சம் தாமதம் ஆனாலும் ஆஸ்திரேலியாவில் இந்த ஆண்டு ஐசிசி ஆண்கள் உலக கோப்பை டி20 தொடர் நடைபெற வேண்டும் என்றே விரும்புகிறேன்.  அது எங்களுக்கு மிக முக்கியமான தொடர். ஐசிசி கோப்பையை வெல்லும் பாகிஸ்தான் அணியில் ஏதோ ஒரு வகையில் அங்கம் வகிக்க வேண்டும் என்பதே எனது விருப்பம். இவ்வாறு வக்கார் தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • siva5

    1100 ஆண்டுகள் பழமை வாய்ந்த பிரம்மாண்ட மணற்கல் சிவலிங்கம் வியட்நாம் அகழ்வாராய்ச்சியில் கண்டுபிடிப்பு!

  • death5

    கொரோனாவின் கோரப்பிடியில் சிக்கியுள்ள பிரேசில்: ஒரே நேரத்தில் நூற்றுக்கணக்கான சடலங்களை கல்லறையில் புதைக்கும் மக்கள்!!!

  • coronaa5

    புலம்பெயர்ந்த தொழிலாளர்கள் சொந்த ஊர் திரும்புவதால் கிராமபுறங்களில் அதிகரிக்கும் கொரோனா பாதிப்பு: புகைப்படங்கள்

  • locust4

    ராஜஸ்தான் உட்பட வடமாநிலங்களில் வெட்டுக்கிளிகள் தொடர் படையெடுப்பு!: பயிர்களை நாசம் செய்வதால் விவசாயிகள் வேதனை!!!

  • ingland4

    இங்கிலாந்தில் 5000 ஆண்டுகளுக்கு முன் வாழ்ந்த உயிரினத்தின் கொம்பு கண்டுபிடிப்பு: புகைப்படங்கள்

படங்கள் வீடியோ கல்வி சினிமா ஜோ‌திட‌ம்