SUN குழுமத்திலிருந்து வெளிவரும் காலை நாளிதழ்

கொரோனா வைரசால் ஆபரண ஏற்றுமதி மேலும் பாதிப்பு

2020-02-27@ 01:10:08

புதுடெல்லி:  சீனாவில் தீவிரம் அடைந்துள்ள கொரோனா வைரஸ் பிற நாடுகளுக்கும் பரவி வருகிறது. இதனால், இந்தியா உட்பட பல்வேறு நாடுகளின் பொருளாதாரமும் பாதிக்கப்பட்டுள்ளது. ஏற்றுமதி, இறக்குமதி, உற்பத்தி ஸ்தம்பித்துள்ளது. ஏற்றுமதி பாதிக்கப்பட்ட துறைகளில் ஆபரண உற்பத்தி துறையும் ஒன்று.  நவரத்தினங்கள் மற்றும் ஆபரண ஏற்றுமதி மேம்பாட்டு கவுன்சில் புள்ளிவிவரப்படி, நடப்பு நிதியாண்டில் கடந்த ஏப்ரல் முதல் ஜனவரி வரையிலான 10 மாதங்களில் ஆபரண ஏற்றுமதி 9.17 சதவீதம் சரிந்துள்ளது. கடந்த ஜனவரி மாதத்தில் 296.64 கோடி டாலர் மதிப்பிலான நவரத்தினம் மற்றும் ஆபரணங்கள் ஏற்றுமதியாகியுள்ளன. கடந்த ஆண்டு இதே மாதம் இந்த ஏற்றுமதி மதிப்பு 326.58 கோடி டாலராக இருந்தது.  

இதுகுறித்து நவரத்தினங்கள் மற்றும் ஆபரண ஏற்றுமதி மேம்பாட்டு கவுன்சில் தரப்பினர் கூறுகையில், கொரோனா வைரசால் சீனா மட்டுமின்றி, ஜப்பான், தென் கொரியா நாடுகளும் பாதிக்கப்பட்டுள்ளன. ஹாங்காங்கில் அடுத்த மாதம் நடைபெற இருந்த நகை கண்காட்சி மே மாதத்துக்கு ஒத்தி வைக்கப்பட்டுள்ளது. இதனால், இந்திய நகைத்துறைக்கு பெரிய அளவில் ஆர்டர் கிடைக்கும் வாய்ப்பு தள்ளிப்போயுள்ளது. பொருளாதார மந்த நிலை போன்ற காரணங்களால் ஏற்றுமதி ஏற்கெனவே சரிந்துள்ள நிலையில், தற்போது கொரோனா வைரஸ் பாதிப்பால் ஏற்றுமதி மேலும் 5 சதவீதம் சரியும் என எதிர்பார்க்கப்படுகிறது என்றனர்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்