SUN குழுமத்திலிருந்து வெளிவரும் காலை நாளிதழ்

காமன், பிரக்கோலி, சோள சமோசா, காஜூ கத்லி.. சமையல் கலை நிபுணர் சுரேஷ் கண்ணாவின் கை மணத்தில் அதிபர் ட்ரம்புக்கான இந்திய உணவுகள் தயார்!!

2020-02-24@ 10:12:01

அகமதாபாத் : அமெரிக்க அதிபர் டொனால்ட் ட்ரம்ப், மற்றும் அவரது குடும்பத்தினருக்காக சிறப்பு இந்திய உணவு பட்டியல் தயார் செய்யப்பட்டுள்ளது. அமெரிக்க ஜனாதிபதி டிரம்ப், தனது மனைவி மெலனியா, மகள் இவாங்கா உள்ளிட்டோருடன் 2 நாள் பயணமாக இன்று (திங்கட்கிழமை) இந்தியா வருகிறார். அகமதாபாத்தில் வந்திறங்கும் அவர் அங்கு பல்வேறு நிகழ்ச்சிகளை முடித்துக்கொண்டு மாலையில் ஆக்ரா புறப்படுகிறார்.இந்நிலையில் அகமதாபாத்தில் உள்ள ஃபார்ச்சுன் லேண்ட்மார்க் ஓட்டலில் பணியாற்றும் புகழ்பெற்ற சுரேஷ் கண்ணா என்ற சமையல் கலை நிபுணர் தான் அமெரிக்க அதிபர் ட்ரம்புக்கான உணவுகளை  தயாரிக்க இருக்கிறார்.

குஜராத் மாநிலத்தின் புகழ்பெற்ற காமன் என்ற உணவை ட்ரம்ப் ருசிக்க இருப்பதாக சுரேஷ் கண்ணா தெரிவித்துள்ளார். காமன் என்பது ஆவியில் வேகவைத்து தயாரிக்கப்படும் உணவு வகையாகும். அத்துடன் பிரக்கோலி, சோள சமோசா, முந்திரி பருப்பில் கொண்டு செய்யப்படும் இனிப்பு வகையான காஜூ கத்லி போன்ற இனிப்பு வகைகளும் உணவு பட்டியலில் உள்ளன. ட்ரம்ப் குடும்பத்தினர் மற்றும் அதிகாரிகளுக்கு பல வகையான உயர் தர தேநீர் தயார் நிலையில் வைக்கப்பட்டு உள்ளது. அகமதாபாத்தில் சில மணி நேரமே இருக்கும்  ட்ரம்ப் குடும்பத்தினருக்கு பல வகையான அமெரிக்க உணவு வகைகளுக்கும் ஏற்பாடு செய்யப்பட்டு இருக்கிறது.  

இது தொடர்பாக சுரேஷ் கண்ணா மேலும் கூறுகையில், ‘இன்று எங்கள் ஓட்டலுக்கு மிகவும் முக்கியமான தினமாகும். டிரம்ப் மற்றும் அவருடன் வரும் விருந்தினர்களுக்கு வழங்குவதற்காக கிரீன் டீ, லெமன் டீ உள்ளிட்ட உயர்ந்த ஒரு தேநீர் பட்டியலை நாங்கள் தயாரித்து உள்ளோம். ‘காமன்’ என்பது குஜராத்தின் புகழ்பெற்ற உணவு. இதை நாங்கள் லேசான ஆவியில் வேகவைத்து டிரம்புக்கு வழங்குவோம்’ என்று கூறினார்.


மேலும் செய்திகள்

Like Us on Facebook Dinkaran Daily News
  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

  • assam3

    தெற்கு அசாமில் தொடர் கனமழை காரணமாக நிலச்சரிவு: மண்ணில் புதைந்து 20 பேர் பரிதாப பலி!!!

  • 02-06-2020

    02-06-2020 இன்றைய சிறப்பு படங்கள்

  • 01-06-2020

    01-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்