SUN குழுமத்திலிருந்து வெளிவரும் காலை நாளிதழ்

தளபதிக்கு அமெரிக்கா அனுமதி மறுத்ததால் அதிருப்தி: போர் குற்ற தீர்மானத்தில் இருந்து வெளியேற இலங்கை அரசு முடிவு

2020-02-24@ 00:14:33

கொழும்பு: இலங்கை ராணுவ தளபதி குடும்பத்தினர், அமெரிக்க செல்ல அனுமதி மறுக்கப்பட்ட விவகாரத்தையடுத்து, போர் குற்றம் தொடர்பான ஐ.நா தீர்மானத்தில் இருந்து வெளியேறும் முடிவை இலங்கை நாளை மறுநாள் அதிகாரப்பூர்வமாக அறிவிக்கிறது. இலங்கை ராணுவ தளபதியாக இருப்பவர் லெப்டினென்ட் ஜெனரல் சில்வா. கடந்த 2009ம் ஆண்டில் விடுதலைப் புலிகளுடான இறுதி கட்ட போரில் ஈடுபட்ட ராணுவப் படைப்பிரிவுக்கு இவர்தான் தலைமை தாங்கினார். இந்த இறுதிகட்ட போரில் 45 ஆயிரம் தமிழர்கள் கொல்லப்பட்டதாக ஐ.நா அறிக்கை தெரிவித்தது. இதில் இருதரப்பினர் மீது போர் குற்றம் சுமத்தப்பட்டது. இந்த போர் குற்றம் குறித்து விசாரிக்க ஐ.நா மனித உரிமை அமைப்பு கடந்த 2015ம் ஆண்டு தீர்மானம் நிறைவேற்றியது. அமெரிக்கா, இங்கிலாந்து உட்பட 11 நாடுகள் இந்த தீர்மானத்தை கொண்டு வந்தன.

இதற்கு அப்போதைய இலங்கை அதிபர் சிறிசேன அரசும் ஒப்புக் கொண்டது. இதன்படி இந்த போர் குற்றம் குறித்து வெளிநாட்டு நீதிபதிகள், வக்கீல்கள் அடங்கிய குழு சுதந்திரமான விசாரணை நடத்த வேண்டும். இந்நிலையில், இலங்கை ராணுவ தளபதி சில்வா மற்றும் குடும்பத்தினர் சமீபத்தில் அமெரிக்கா செல்ல முடிவு செய்தனர். போர் குற்றத்தை காரணம் காட்டி, சில்வாவுக்கு அமெரிக்கா விசா வழங்க மறுத்தது. இதற்கு இலங்கை அரசு கடும் கண்டனம் தெரிவித்தது. இதற்கு பதிலடியாக, போர் குற்ற விசாரணைக்காக கொண்டு வரப்பட்ட ஐநா தீர்மானத்தில் இருந்து வெளியேற இலங்கை முடிவு செய்துள்ளது. ஐ.நா மனித உரிமை கவுன்சில் கூட்டத்தில் இலங்கை வெளியுறவுத் துறை அமைச்சர் நாளை மறுநாள் உரையாற்றுகிறார். அப்போது போர் குற்றம் தொடர்பான ஐ.நா தீர்மானத்தில் இருந்து இலங்கை வெளியேறும் அறிவிப்பை அதிகாரப்பூர்வமாக அறிவிக்கிறார்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்