SUN குழுமத்திலிருந்து வெளிவரும் காலை நாளிதழ்

சாலையில் புலி ஒய்யார நடை வாகன ஓட்டுநர்கள் அதிர்ச்சி

2020-02-18@ 19:33:48

சத்தியமங்கலம்: ஈரோடு அருகே சாலையில் புலி நடமாடியதால், அந்த வழியாக வாகனங்களில் சென்றவர்கள் அதிர்ச்சி அடைந்தனர். ஈரோடு மாவட்டம் சத்தியமங்கலம் புலிகள் காப்பக வனப்பகுதியில் புலி,  சிறுத்தை, யானை, மான், காட்டெருமை, செந்நாய் உள்ளிட்ட பல்வேறு வகையான வன  விலங்குகள் வசிக்கின்றன. நேற்று முன்தினம் இரவு கர்நாடக மாநிலம் மைசூரில்  இருந்து தாளவாடி அருகே உள்ள நெய்தாளபுரம் கிராமம் செல்வதற்காக காரில் 4க்கும் மேற்பட்டோர் தாளவாடியில் இருந்து தலமலை செல்லும் வனச்சாலையில்  சென்று கொண்டிருந்தனர். சிக்கள்ளி வனப்பகுதியில் உள்ள வனச்சாலையில் சென்றபோது சாலையில் ஒரு புலி ஒய்யாரமாக  நடந்து சென்றது.

புலி சாலையில்  நடமாடுவதை கண்ட காரில் சென்றவர்கள் அதிர்ச்சி அடைந்தனர். உடனே காரில்  இருந்த ஒருவர் புலி நடமாடியதை தனது செல்போனில் வீடியோ எடுத்தார். சிறிது  நேரம் சாலையில் நடமாடிய புலி பின்னர் வனப்பகுதிக்குள் சென்று மறைந்தது. தாளவாடி அருகே  சாலையில் புலி நடமாடிய சம்பவம் வாகன ஓட்டுநர்களிடையே அச்சத்தை ஏற்படுத்தியுள்ளது.


மேலும் செய்திகள்

Like Us on Facebook Dinkaran Daily News
  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

  • assam3

    தெற்கு அசாமில் தொடர் கனமழை காரணமாக நிலச்சரிவு: மண்ணில் புதைந்து 20 பேர் பரிதாப பலி!!!

  • 02-06-2020

    02-06-2020 இன்றைய சிறப்பு படங்கள்

  • 01-06-2020

    01-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்