SUN குழுமத்திலிருந்து வெளிவரும் காலை நாளிதழ்

முன்விரோத தகராறில் ஆட்டோ டிரைவர் வீட்டுக்கு தீ வைப்பு

2020-02-18@ 00:23:38

புழல்: செங்குன்றம் அருகே முன்விரோத தகராறில் ஆட்டோ டிரைவர் வீட்டுக்கு தீவைத்த போதை ஆசாமியை போலீசார் தேடி வருகின்றனர்.செங்குன்றம், நாரவாரிகுப்பம், ரெட்டமலை சீனிவாசன் தெருவை சேர்ந்தவர் நாகூர் மீரான் (28), ஆட்டோ டிரைவர். இவரது பக்கத்து வீட்டில் தினேஷ் என்பவர் வசித்து வருகிறார். இருவருக்கும் முன்விரோதம் இருப்பதாக கூறப்படுகிறது. நேற்று முன்தினம் இரவு தினேஷ் மது போதையில் நாகூர் மீரான் வீட்டுக்கு சென்று தகராறு செய்துள்ளார். அக்கம் பக்கத்தினர் அவரை சமரசம் செய்து அனுப்பியுள்ளனர்.

இந்நிலையில் போதையில் இருந்த தினேஷ் முன்விரோதம் காரணமாக நேற்று அதிகாலை 3 மணியளவில் நாகூர் மீரான் வீட்டுக்கு சென்று, வீட்டுக்கு தீ வைத்து வைத்தார். தீ மளமளவென வீடு முழுவதும் பற்றி எரிந்தது. சத்தம் கேட்டு அக்கம்பக்கத்தினர் மற்றும் வீட்டில் இருந்தவர்கள் அலறி அடித்து வெளியே வந்து தண்ணீரை ஊற்றி தீயை அணைத்தனர். அதற்குள் வீட்டிலிருந்த டிவி, கட்டில், மற்றும் பொருட்கள் தீயில் எரிந்து சாம்பலானது. இதுகுறித்து செங்குன்றம் போலீசார் வழக்குப்பதிவு செய்து தப்பி ஓடிய போதை ஆசாமி தினேஷை வலைவீசி தேடி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியது.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்