SUN குழுமத்திலிருந்து வெளிவரும் காலை நாளிதழ்

ஆதம்பாக்கம் தனியார் வங்கியில் போலி நகை மூலம் 18 லட்சம் மோசடி : நகை மதிப்பீட்டாளர் கைது

2020-02-15@ 06:22:06

ஆலந்தூர்: திருவொற்றியூர், சக்தி நகரை சேர்ந்தவர் சுப்பிரமணி (46). இவர், ஆதம்பாக்கம், சிட்டி லிங்க் சாலையில் ஒரு தனியார் வங்கியில் கடந்த 10 ஆண்டுகளாக நகை மதிப்பீட்டாளராக பணியாற்றி வருகிறார். இந்நிலையில், ஆதம்பாக்கம், எஸ்பிஐ காலனியை சேர்ந்த ராஜம்மாள் என்பவர், இந்த வங்கியில் போலி நகைகளை அடமானம் வைத்துள்ளார். இவற்றை சுப்பிரமணி தங்க நகை என மதிப்பீடு செய்து, 18 லட்சம் நகை கடன் அளித்துள்ளார். இதை அதிகாரிகள் சோதனை செய்தபோது போலி என தெரியவந்தது. இதுகுறித்து வங்கி மேலாளர் சீனிவாசன் மற்றும் உயர் அதிகாரிகள், ஆதம்பாக்கம் போலீசில் சுப்பிரமணி மற்றும் ராஜம்மாள் ஆகியோர் மீது வங்கி உயர் அதிகாரிகள் புகார் அளித்தனர்.

அதன்பேரில் போலீசார் வழக்குப்பதிவு செய்து, போலி நகைகளை அடமானம் வைத்து பணத்தை ஏமாற்றிய இருவரையும் தேடி வந்தனர். இந்நிலையில், திருவொற்றியூர் பகுதியில் தலைமறைவாக இருந்த சுப்பிரமணியை நேற்று முன்தினம் அவரது வீட்டில் வைத்து போலீசார் கைது செய்து விசாரித்தனர். விசாரணையில், நானும், ராஜம்மாளும் கூட்டாக சேர்ந்து ஒரு தொழிலில் முதலீடு செய்வதற்காக, அவர் மூலம் போலி நகைகளுக்கு பொய்யாக மதிப்பீடு செய்து, அதன் மூலம் 18 லட்சத்தை கடன் பெற்று, ராஜம்மாளிடம் கொடுத்தேன் என சுப்பிரமணி கூறியதாக தெரியவந்துள்ளது. இதைத் தொடர்ந்து தலைமறைவாக இருக்கும் ராஜம்மாளை போலீசார் தேடி வருகின்றனர்.


மேலும் செய்திகள்

Like Us on Facebook Dinkaran Daily News
  • 28-02-2020

    28-02-2020 இன்றைய சிறப்பு படங்கள்

  • kalavaram2020

    டெல்லி கலவரத்தில் உயிரிழந்தோரின் எண்ணிக்கை 34ஆக உயர்வு: நேசித்தவர்களின் இழப்பை நினைத்து குடும்பங்கள் கதறல்

  • flight2020

    கொரோனா வைரஸ் பாதிப்பு: 18 டன் மருந்து பொருட்களுடன் இந்திய ராணுவ விமானம் சீனா சென்றது

  • keeladi20

    தோண்ட தோண்ட கீழடியில் அதிசயம்: 6-ம் கட்ட அகழாய்வில் முதுமக்கள் தாழி போன்ற அமைப்பு கண்டுபிடிப்பு

  • raajeshaathan20

    ராஜஸ்தானில் பேருந்து ஆற்றுக்குள் கவிழ்ந்து விபத்து: 25 பேர் பலி...பலர் கவலைக்கிடம்!

படங்கள் வீடியோ கல்வி சினிமா ஜோ‌திட‌ம்