SUN குழுமத்திலிருந்து வெளிவரும் காலை நாளிதழ்

ஜம்மு-காஷ்மீரில் ஏறத்தாழ இயல்புநிலை திரும்பிவிட்டது..: சுற்றுப்பயணம் மேற்கொண்ட வெளிநாட்டு தூதர்கள் கருத்து

2020-02-14@ 12:41:55

புதுடெல்லி: ஜம்மு-காஷ்மீரில் ஏறத்தாழ இயல்புநிலை திரும்பிவிட்டதாக அங்கு சுற்றுப்பயணம் மேற்கொண்ட வெளிநாட்டு தூதர்கள் கருத்து தெரிவித்துள்ளனர். காஷ்மீரின் சிறப்பு அந்தஸ்து ரத்து செய்யப்பட்ட பின், பல்வேறு கட்டுப்பாடுகள் விதிக்கப்பட்டன. இதனையடுத்து, அங்குள்ள நிலைமையை ஆய்வு செய்வதற்காக கடந்த மாதம் அங்கு சென்ற 15 பேர் கொண்ட வெளிநாட்டு தூதர்கள் குழு பார்வையிட்டது. இந்நிலையில், 2-வது கட்டமாக ஐரோப்பிய நாடுகள், தென் அமெரிக்க நாடுகள் உள்ளிட்ட 25 நாடுகளின் தூதர்கள் கடந்த 2 நாட்களாக காஷ்மீரில் சுற்றுப்பயணம் மேற்கொண்டனர். இந்த குழுவில் ஜெர்மனி, கனடா, பிரான்ஸ், நியூசிலாந்து, மெக்சிகோ, இத்தாலி, ஆப்கானிஸ்தான், ஆஸ்திரியா, உஸ்பெகிஸ்தான், போலந்து உள்ளிட்ட நாடுகளின் தூதர்கள் இடம்பெற்றிருந்தனர்.

அவர்களை சந்தித்த ராணுவ அதிகாரிகள், பாதுகாப்பு நிலவரங்களை எடுத்துரைத்தனர். பின்னர் அந்தக் குழு ஜம்மு பகுதியையும் பார்வையிட்டது. நேற்று மாலை டெல்லி திரும்பிய தூதர்கள், காஷ்மீரில் தற்போதைய நிலைமை குறித்து செய்தியாளர்களிடம் பேசினர். காஷ்மீரில் அதிகாரிகள், ராணுவத்தினரை சந்தித்ததாகவும் தற்போது கிட்டத்தட்ட இயல்புநிலை திரும்பிவிட்டதாக பெரும்பாலான தூதர்கள் பதிலளித்துள்ளனர். முன்னதாக, இந்த குழுவில் பங்கேற்குமாறு மத்திய அரசு விடுத்த அழைப்பை ஏற்க ரஷ்யா மறுத்துவிட்டது. இந்தியாவின் உள்நாட்டு விவகாரம் என்பதால், ஆய்வு மேற்கொள்ள விரும்பவில்லை என்றும் அந்நாடு தெரிவித்திருந்தது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 28-02-2020

    28-02-2020 இன்றைய சிறப்பு படங்கள்

  • kalavaram2020

    டெல்லி கலவரத்தில் உயிரிழந்தோரின் எண்ணிக்கை 34ஆக உயர்வு: நேசித்தவர்களின் இழப்பை நினைத்து குடும்பங்கள் கதறல்

  • flight2020

    கொரோனா வைரஸ் பாதிப்பு: 18 டன் மருந்து பொருட்களுடன் இந்திய ராணுவ விமானம் சீனா சென்றது

  • keeladi20

    தோண்ட தோண்ட கீழடியில் அதிசயம்: 6-ம் கட்ட அகழாய்வில் முதுமக்கள் தாழி போன்ற அமைப்பு கண்டுபிடிப்பு

  • raajeshaathan20

    ராஜஸ்தானில் பேருந்து ஆற்றுக்குள் கவிழ்ந்து விபத்து: 25 பேர் பலி...பலர் கவலைக்கிடம்!

படங்கள் வீடியோ கல்வி சினிமா ஜோ‌திட‌ம்