SUN குழுமத்திலிருந்து வெளிவரும் காலை நாளிதழ்

கூடுதல் இழப்பீடு கோரிய போபால் விஷவாயு வழக்கு நீதிபதி திடீர் விலகல்

2020-01-29@ 00:09:10

புதுடெல்லி: மத்திய பிரதேசத்தின் போபாலில், அமெரிக்காவை சேர்ந்த ‘யூனியன் கார்பைட்’ நிறுவன தொழிற்சலையில் 1984ல் ஏற்பட்ட விஷவாயு கசிவால் 3,000 பேர் பலியாகினர். பாதிக்கப்பட்டவர்களுக்கு ரூ.715 கோடி இழப்பீட்டை, யூனியன் கார்பைட் நிறுவனம் வழங்கியது. பாதிக்கப்பட்டவர்கள் நீண்ட காலமாக, பல்வேறு உடல் உபாதைகளால் போராடி வருவதால், அவர்களின் மருத்துவ செலவுக்கு கூடுதலாக ரூ.7,844 கோடி இழப்பீடு வழங்க அமெரிக்க நிறுவனத்துக்கு உத்தரவிடுமாறு உச்ச நீதிமன்றத்தில் மத்திய அரசு மனு தாக்கல் செய்தது.

இந்த மனு மீதான விசாரணை, நீதிபதி அருண் மிஸ்ரா தலைமையிலான 5 நீதிபதிகள் கொண்ட அமர்வில் நேற்று தொடங்க இருந்தது. இந்நிலையில், இந்த அமர்வில் இடம் பெற்றுள்ள நீதிபதி ரவிந்திர பட், தன்னை வழக்கிலிருந்து விடுவிக்குமாறு வேண்டுகோள் விடுத்தார். ஏற்கனவே போபால் விஷவாயு விவகாரத்தில் சீராய்வு மனு விசாரணையின் போது, தான் மத்திய அரசு தரப்பு வக்கீலாக ஆஜரானதாக அவர் தெரிவித்துள்ளார். இதனால், வழக்கு விசாரணைக்கு எடுக்கப்படாது என்றும், தலைமை நீதிபதியின் மறுஉத்தரவுக்காக காத்திருப்பதாக உத்தரவிட்ட நீதிபதி அருண் மிஸ்ரா, விசாரணையை இன்றைக்கு ஒத்திவைத்தார். இந்த அமர்வில் நீதிபதிகள் இந்திரா பானர்ஜி, வினீத் சரண், எம்.ஆர்.ஷா ஆகியோரும் உள்ளனர்.


மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்