SUN குழுமத்திலிருந்து வெளிவரும் காலை நாளிதழ்

இந்தியாவின் பொருளாதார மந்தநிலை தற்காலிகமானது: சர்வதேச நிதிய தலைவர் நம்பிக்கை

2020-01-25@ 00:07:27

டாவோஸ்: ‘இந்தியாவில் ஏற்பட்டுள்ள வளர்ச்சி மந்தநிலை தற்காலிகமானதுதான், அது விரைவில் முன்னேறும்,’ என உலக பொருளாதார அமைப்பு கூட்டத்தில் சர்வதேச நிதியத்தின் தலைவர் கிரிஸ்டாலினா ஜியார்ஜிவா கூறினார்.  உலக பொருளாதார அமைப்பின் கூட்டம், சுவிட்சர்லாந்தின் டாவோஸ் நகரில் நடக்கிறது. இதில் கலந்து கொண்டு சர்வதேச நிதியத்தின் தலைவர் கிறிஸ்டாலினா ஜியார்ஜிவா பேசியதாவது: உலக நாடுகளின் பொருளாதார நிலை குறித்து கடந்தாண்டு அக்டோபரில் அறிக்கை வெளியிட்டோம். அதனுடன் ஒப்பிடுக்கையில், இந்தாண்டு ஜனவரி மாதம் உலக நாடுகளின் பொருளாதாரம் நல்ல நிலையில் இருப்பது போல் தெரிகிறது. இதற்கு அமெரிக்கா-சீனா இடையே நிலவி வந்த வர்த்தக போர் முடிவுக்கு வந்தது, வரி குறைப்பு உட்பட சில விஷயங்களே காரணம். உலக பொருளாதாரத்தின் வளர்ச்சி 3.3 சதவீதமாக இருப்பது மிகச் சிறந்தது அல்ல.

இது இன்னும் மந்தமான வளர்ச்சிதான். நிதிக் கொள்கைகள், சீர்த்திருத்தங்கள் மேலும் தீவிரமாக இருக்க வேண்டும் என நாங்கள் விரும்புகிறோம். மிகப் பெரிய சந்தையான இந்தியாவிலும், வளர்ச்சி மந்தமாக இருந்தது. இது தற்காலிகமானது என நம்புகிறோம். இது வரும் காலங்களில் வேகம் எடுக்கும் என எதிர்பார்க்கிறோம். இந்தோனேஷியா, வியட்நாம் ஆகிய நாடுகளிலும், பொருளாதார வளர்ச்சி அதிகரிக்கும் வாய்ப்புகள் உள்ளன. ஆப்பிரிக்க நாடுகள் பலவும் சிறப்பாக செயல்படுகின்றன. ஆனால், மெக்சிகோ உள்ளிட்ட சில நாடுகள் சிறப்பாக செயல்படவில்லை. இவ்வாறு அவர் பேசினார்.


மேலும் செய்திகள்

Like Us on Facebook Dinkaran Daily News
  • siva5

    1100 ஆண்டுகள் பழமை வாய்ந்த பிரம்மாண்ட மணற்கல் சிவலிங்கம் வியட்நாம் அகழ்வாராய்ச்சியில் கண்டுபிடிப்பு!

  • death5

    கொரோனாவின் கோரப்பிடியில் சிக்கியுள்ள பிரேசில்: ஒரே நேரத்தில் நூற்றுக்கணக்கான சடலங்களை கல்லறையில் புதைக்கும் மக்கள்!!!

  • coronaa5

    புலம்பெயர்ந்த தொழிலாளர்கள் சொந்த ஊர் திரும்புவதால் கிராமபுறங்களில் அதிகரிக்கும் கொரோனா பாதிப்பு: புகைப்படங்கள்

  • locust4

    ராஜஸ்தான் உட்பட வடமாநிலங்களில் வெட்டுக்கிளிகள் தொடர் படையெடுப்பு!: பயிர்களை நாசம் செய்வதால் விவசாயிகள் வேதனை!!!

  • ingland4

    இங்கிலாந்தில் 5000 ஆண்டுகளுக்கு முன் வாழ்ந்த உயிரினத்தின் கொம்பு கண்டுபிடிப்பு: புகைப்படங்கள்

படங்கள் வீடியோ கல்வி சினிமா ஜோ‌திட‌ம்