SUN குழுமத்திலிருந்து வெளிவரும் காலை நாளிதழ்

இங்கிலாந்து நாடாளுமன்றத்தில் நிறைவேறியது பிரக்சிட் மசோதா: ஐரோப்பிய யூனியனிலிருந்து 31ல் விலகல்

2020-01-25@ 00:06:45

புருசெல்ஸ்: இங்கிலாந்து அரசியலில் நிலவி வந்த மூன்றரை ஆண்டு கால இழுபறிக்கு தீர்வு காணப்பட்டுள்ளது. அந்நாட்டு நாடாளுமன்றத்தில் பிரக்சிட் மசோதா நிறைவேற்றப்பட்டுள்ளதைத் தொடர்ந்து வரும் 31ம் தேதி ஐரோப்பிய யூனியனிலிருந்து விலகுவது உறுதியாகி உள்ளது. கடந்த 2016ல் நடத்தப்பட்ட பொது வாக்கெடுப்பில், ஐரோப்பிய யூனியனில் இருந்து வெளியேற வேண்டுமென இங்கிலாந்து மக்கள் வாக்களித்தனர்.  ஐரோப்பிய யூனியனில் இருந்து இங்கிலாந்து விலகுவதை பிரக்சிட் என அழைக்கப்பட்டது. இதற்கான மசோதா இங்கிலாந்து நாடாளுமன்றத்தில் நிறைவேற்ற முடியாமல் அரசு திணறி வந்தது.  பிரதமர் தெரசா மே எடுத்த அனைத்து முயற்சிகளும் தோல்வி அடைந்ததால் அவர் பதவி விலகினார். அதன்பின் பதவியேற்ற போரிஸ் ஜான்சன் சமீபத்தில் நாடாளுமன்றத்தை கலைத்து தேர்தலை சந்தித்தார். இதில் அவரது கட்சி வெற்றி பெற்று மீண்டும் பிரதமரானார்.

இதைத் தொடர்ந்து அவரது தீவிர முயற்சியின் மூலம், பிரக்சிட் மசோதா இங்கிலாந்து நாடாளுமன்றத்தில் நேற்று முன்தினம் நிறைவேற்றப்பட்டது. சம்பிரதாய முறைப்படி, மசோதாவுக்கு இங்கிலாந்து ராணி எலிசபெத் ஒப்புதல் அளித்தார். இதனால், வரும் 31ம் தேதி ஐரோப்பிய யூனியனில் இருந்து இங்கிலாந்து வெளியேறுவது கிட்டத்தட்ட உறுதியாகி உள்ளது. இங்கிலாந்து நாடாளுமன்றத்தில் மசோதா நிறைவேறியதைத் தொடர்ந்து இது ஐரோப்பிய யூனியன் ஒப்புதலுக்கு அனுப்பப்பட்டுள்ளது. இம்மசோதாவில் ஐரோப்பிய கமிஷன் மற்றும் ஐரோப்பிய கவுன்சில் தலைவர்களான உர்சுலா வோன் டெர் லியன், சார்லஸ் மைக்கேல் ஆகியோர் முறைப்படி நேற்று கையெழுத்திட்டனர். இது வரும் 29ம் தேதி ஐரோப்பிய யூனியன் நாடாளுமன்றத்தின் ஒப்புதலுக்கு அனுப்பி வைக்கப்படும். அங்கு மசோதாவை தடுப்பதற்கான அதிகாரம் இல்லை என்பதால், பிரக்சிட் மசோதா நிறைவேறுவது உறுதியாகும். இதன் மூலம் வரும் 30ம் தேதி நள்ளிரவு ஐரோப்பிய யூனியன் நாடுகளின் பிரதிநிதிகள் கூட்டமைப்பில் இருந்து இங்கிலாந்து வெளியேற முறைப்படி அனுமதி அளிப்பார்கள்.


மேலும் செய்திகள்

Like Us on Facebook Dinkaran Daily News
  • 18-02-2020

    18-02-2020 இன்றைய சிறப்பு படங்கள்

  • chennai20

    சென்னையில் இஸ்லாமியர்கள் சிஏஏ-க்கு எதிராக தொடர்ந்து 4 வது நாளாக போராட்டம்: போலீசார் நடத்திய தடியடியை கண்டித்து தமிழகம் முழுவதும் ஆர்ப்பாட்டம்...

  • modi20

    வாரணாசியில் பாரதிய ஜனசங்க முன்னாள் தலைவர் தீன்தயாள் உபாத்யாயாவின் 63 அடி சிலையை பிரதமர் மோடி திறந்து வைத்தார்

  • hospital20

    ஹைலோங்ஜியாங்கில் COVID-19 நோயாளிகளுக்கு சிகிச்சையளிப்பதற்காக நியமிக்கப்பட்ட மருத்துவமனையின் புதுப்பித்தல் பணிகள் முடிவு

  • kaasi sivan20

    காசி-மஹாகல் எக்ஸ்பிரஸ் ரயிலில் சிவபெருமானுக்கு சிறு கோயில்: மூன்று ஜோதி லிங்க கோயில்களை இணைக்கும் ரயில் சேவையை பிரதமர் மோடி தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்