SUN குழுமத்திலிருந்து வெளிவரும் காலை நாளிதழ்

சிஏஏ, என்ஆர்சி தேவை இல்லாதது: வங்கதேச பிரதமர் ஷேக் ஹசீனா கருத்து

2020-01-20@ 00:09:13

அபுதாபி: ‘இந்திய அரசு கொண்டு வந்துள்ள குடியுரிமை திருத்த சட்டம், தேசிய குடிமக்கள் பதிவேடு சட்டங்கள் தேவையில்லாதது,’ என வங்கதேச பிரதமர் ஷேக் ஹசீனா கூறியுள்ளார். குடியுரிமை திருத்த சட்டம், தேசிய குடிமக்கள் பதிவேட்டுக்கு எதிர்ப்பு தெரிவித்து நாடு முழுவதும் போராட்டங்கள் வலுத்து வருகின்றன. சில நாட்களுக்கு முன், இது தொடர்பாக பேசிய வங்கதேச வெளியுறவு அமைச்சர் அப்துல் மொமேன், ‘குடியுரிமை திருத்த சட்டமும், தேசிய குடிமக்கள் பதிவேடு திட்டமும் இந்தியாவின் உள்நாட்டு விவகாரம். அதே நேரத்தில் இவற்றால், அந்நாட்டில் உறுதியற்ற நிலை ஏற்பட்டால் அது அண்டை நாடுகளையும் நிச்சயம் பாதிக்கும்,’ என்று கூறியிருந்தார்.

இந்நிலையில், ஐக்கிய அரபு எமிரேட்ஸ் தலைநகர் அபுதாபியில் வங்கதேச பிரதமர் ஷேக் ஹசீனா செய்தியாளர்களை சந்தித்தார். அப்போது அவர், “ குடியுரிமை திருத்த சட்டம், தேசிய குடிமக்கள் பதிவேடு என்பது இந்தியாவின் உள்நாட்டு பிரச்னை. ஆனால், இந்திய அரசு இதை ஏன் செய்தது என்பது புரியவில்லை. அது தேவை இல்லாதது. இந்தியாவில் இருந்து யாரும் வங்கதேசத்துக்கு மீண்டும் திரும்பவில்லை. ஆனால், இந்தியாவுக்கு உள்ளேயே மக்கள் பல்வேறு பிரச்னைகளை எதிர்கொண்டுள்ளனர்,” என்றார்.


மேலும் செய்திகள்

Like Us on Facebook Dinkaran Daily News
  • drawing20

    அமெரிக்க அதிபர் டிரம்ப் வருகையை முன்னிட்டு ஆக்ராவில் கலைநயமிக்க சுவரோவியங்கள் வரையும் பணி தீவிரம்

  • 19-02-2020

    19-02-2020 இன்றைய சிறப்பு படங்கள்

  • award20

    விளையாட்டின் ஆஸ்கர் எனப்படும் லாரியஸ் விருதை கைப்பற்றிய சச்சின் டெண்டுல்கர்!!

  • tenish2020

    டென்னிஸ் புயலால் வெள்ளக்காடாகிய இங்கிலாந்து நகரங்கள்...மக்களின் இயல்பு வாழ்க்கை முடக்கம்

  • america20201

    இந்தியாவிற்கு வருகை புரியும் அமெரிக்க அதிபர் டிரம்ப் கண்ணில் படாமல் இருக்க சுவர் கட்டி மறைக்கப்படும் குஜராத் குடிசைப்பகுதி

படங்கள் வீடியோ கல்வி சினிமா ஜோ‌திட‌ம்