SUN குழுமத்திலிருந்து வெளிவரும் காலை நாளிதழ்

திருமணம் செய்து கொள்வதாக கூறி பெண்ணிடம் ரூ.27 லட்சம் மோசடி: வாலிபர் கைது

2020-01-19@ 00:06:22

சென்னை: திருமணம் செய்து கொள்வதாக கூறி பெண்ணிடம் ₹27 லட்சம் மோசடி செய்த வாலிபரை போலீசார் கைது செய்தனர்.சென்னை சேத்துபட்டு பகுதியை சேர்ந்தவர் ராஜசிம்மன் (46). இவர், திருமணம் செய்துகொள்ள பெண் தேவை என்று தனியார் வெப்சைட் ஒன்றில் விளம்பரம் கொடுத்துள்ளார். இந்த விளம்பரத்தை பார்த்து ஐதராபாத்தை சேர்ந்த உமாராணி (42) என்பவர், வெப்சைட்டில் கொடுத்திருந்த முகவரி மற்றும் செல்போன் எண்ணை வைத்து ராஜசிம்மனை தொடர்புகொண்டு பேசியுள்ளார். அப்போது, இருவரும் தங்களது விவரங்களை பகிர்ந்து கொண்டு, திருமணம் செய்துகொள்ள சம்மதம் தெரிவித்துள்ளனர். இதையடுத்து, கடந்த 6 மாதங்களாக இருவரும் செல்போனில் அடிக்கடி பேசியதால் நெருக்கம் ஏற்பட்டது. ராஜசிம்மன், தனக்கு செலவுக்கு பணம் தேவைப்படும் போதெல்லாம் உமாராணியிடம் கேட்டுள்ளார்.

 அவரும், திருமணம் செய்யப்போகும் நபர்தானே என, அவர் கேட்கும் பணத்தை அவ்வப்போது வங்கி கணக்கில் செலுத்தி உள்ளார். மேலும், சொந்தமாக தொழில் தொடங்கப்போவதாக கூறி, அந்த பெண்ணிடம் இருந்து ₹27 லட்சம் வரை வாங்கியதாக கூறப்படுகிறது.  ஒரு கட்டத்தில் உமாராணி என்னை எப்போது திருமணம் செய்துகாள்ள போகிறீர்கள் என்று ராஜசிம்மனிடம் கேட்டுள்ளார். அதற்கு அவர் பல்வேறு காரணங்களை கூறி திருமண பேச்சை தவிர்த்துள்ளார். இந்நிலையில், ராஜசிம்மன் செல்போனுக்கு அந்த பெண்  தொடர்புகொண்டபோது, பல நாட்களாக சுவிட்ச் ஆப் செய்யப்பட்டிருப்பதை கண்டு அதிர்ச்சி அடைந்தார். பின்னர் அவர் வெப்சைட்டில் பதிவு செய்திருந்த முகவரியை வைத்து சென்னைக்கு வந்து, ஆயிரம் விளக்கு பகுதியில் தேடி பார்த்துள்ளார். எங்கு தேடியும் கிடைக்காததால் வேறுவழியின்றி ஆயிரம் விளக்கு மகளிர் காவல் நிலையத்தில் புகார் கொடுத்தார். அதன்பேரில்,  போலீசார் வழக்குப்பதிவு செய்து விசாரணை நடத்தினர். அதில், ராஜசிம்மன் திருச்சியில் பதுங்கியிருப்பது தெரியவந்தது. இதையடுத்து போலீசார் திருச்சிக்கு சென்று ராஜசிம்மனை கைது செய்து, புழல் சிறையில் அடைத்தனர். மேலும் இதேபோல் ராஜசிம்மன் வேறு பெண்களை ஏமாற்றியுள்ளாரா என்றும் விசாரிக்கின்றனர்.


மேலும் செய்திகள்

Like Us on Facebook Dinkaran Daily News
  • raajeshaathan20

    ராஜஸ்தானில் பேருந்து ஆற்றுக்குள் கவிழ்ந்து விபத்து: 25 பேர் பலி...பலர் கவலைக்கிடம்!

  • 27-02-2020

    27-02-2020 இன்றைய சிறப்பு படங்கள்

  • thodar vanmurai20

    கலவர பூமியாக மாறிய தலைநகர்: வன்முறையில் பலியானவர்களின் எண்ணிக்கை 23ஆக அதிகரிப்பு...தொடர்ந்து 4வது நாளாக பதற்றம் நீடிப்பு!

  • brezil20

    பிரேசில் கார்னிவல் 2020: ஆடம்பரமான ஆடைகளில் ஆடல் பாடலுடன் மக்கள் கொண்டாட்டம்!

  • vimaanam20

    பாலகோட் ஏர் ஸ்ட்ரைக் நினைவு நாள்: சர்ஜிக்கல் ஸ்ட்ரைக் 2.0 க்கு பயன்படுத்தப்படும் மிராஜ் -2000 போர் ஜெட் விமானங்கள் காட்சிக்கு வைப்பு!

படங்கள் வீடியோ கல்வி சினிமா ஜோ‌திட‌ம்