SUN குழுமத்திலிருந்து வெளிவரும் காலை நாளிதழ்

எஸ்.ஐ. வில்சன் கொலை வழக்கில் தொடர்புடைய மேலும் 3 பேர் பெங்களூருவில் கைது

2020-01-18@ 08:43:57

பெங்களூரு: எஸ்.ஐ. வில்சன் கொலை வழக்கில் தொடர்புடைய மேலும் 3 பேரை பெங்களூருவில் வைத்து தமிழக போலீசார் கைது செய்துள்ளனர். வில்சனை சுட்டுக்கொன்றதாக சந்தேகிக்கப் படுவோரில் மன்சூர், சலீம், மெகபூப் ஆகியோர் பெங்களூருவில் பதுங்கியிருப்பதாக போலீசாருக்கு தகவல் கிடைத்தது. பன்னேர்கட்டாவில் உள்ள மருத்துவமனைக்கு சென்ற தனிப்படையினர் அங்கு பதுங்கியிருந்த 3 பேரையும் கைது செய்தனர். இவர்களிடம் போலீசார் தீவிர விசாரணை நடத்தப்பட உள்ளது. தமிழக-கேரள எல்லையில் குமரி மாவட்டம் களியக்காவிளை சந்தை ரோட்டில் சோதனைச் சாவடி உள்ளது.

இந்த சோதனை சாவடியில் பணியில் இருந்த களியக்காவிளை சப்-இன்ஸ்பெக்டர் வில்சன் (வயது 57) கடந்த 8-ம் தேதி பயங்கரவாதிகளால் சுட்டுக் கொல்லப்பட்டார். இவரை 17 பேர் அடங்கிய தீவிரவாத கும்பல் சுட்டுக் கொன்றதாக போலீசார் கூறுகின்றனர். இவர்களில் ஏற்கனவே தவுபிக், அப்துல் சமீம் ஆகியோரை உடுப்பியில் வைத்து போலீசார் கைது செய்தனர்.

இந்த 2 பேருக்கும் குழித்துறை நீதிமன்றம் 3 நாட்கள் நீதிமன்ற காவலில் அடைக்க உத்தரவிட்டுள்ளது. இந்த 2 பேர் மீதும் உபா எனப்படும் சட்டவிரோத செயல்கள் தடுப்பு சட்டம் பாய்ந்துள்ளது. இந்நிலையில் பெங்களூருவில் மேலும் 3 பேர் கைது செய்யப்பட்டுள்ளனர். இவர்களிடம் இருந்து துப்பாக்கி உள்ளிட்ட ஆயுதங்கள் பறிமுதல் செய்யப்பட்டதாக போலீசார் தெரிவித்துள்ளனர். குடியரசு தின விழாவை சீர்குலைக்க தாக்குதல் நடத்த திட்டமிட்டிருப்பதாக போலீஸ் தரப்பு கூறுகிறது.


மேலும் செய்திகள்

Like Us on Facebook Dinkaran Daily News
  • drawing20

    அமெரிக்க அதிபர் டிரம்ப் வருகையை முன்னிட்டு ஆக்ராவில் கலைநயமிக்க சுவரோவியங்கள் வரையும் பணி தீவிரம்

  • 19-02-2020

    19-02-2020 இன்றைய சிறப்பு படங்கள்

  • award20

    விளையாட்டின் ஆஸ்கர் எனப்படும் லாரியஸ் விருதை கைப்பற்றிய சச்சின் டெண்டுல்கர்!!

  • tenish2020

    டென்னிஸ் புயலால் வெள்ளக்காடாகிய இங்கிலாந்து நகரங்கள்...மக்களின் இயல்பு வாழ்க்கை முடக்கம்

  • america20201

    இந்தியாவிற்கு வருகை புரியும் அமெரிக்க அதிபர் டிரம்ப் கண்ணில் படாமல் இருக்க சுவர் கட்டி மறைக்கப்படும் குஜராத் குடிசைப்பகுதி

படங்கள் வீடியோ கல்வி சினிமா ஜோ‌திட‌ம்