SUN குழுமத்திலிருந்து வெளிவரும் காலை நாளிதழ்

திருக்காட்டுப்பள்ளி அருகே கொள்ளிடம் ஆற்றில் அம்மன் சிலை கண்டெடுப்பு

2020-01-14@ 19:49:41

திருக்காட்டுப்பள்ளி: திருக்காட்டுப்பள்ளி அருகே கொள்ளிடம் ஆற்றில் தண்ணீரில் மூழ்கிய நிலையில் அம்மன் சிலை கண்டெடுக்கப்பட்டது.தஞ்சை மாவட்டம் திருக்காட்டுப்பள்ளி அருகே கொள்ளிடம் ஆற்றில் பூண்டி செங்கரையூர் பாலம் உள்ளது. பாலத்தின் மேற்கு பகுதியில் நேற்று மதியம் திருச்சி பகுதியை சேர்ந்த போலீஸ்காரர் ஒருவர் சென்றபோது நடு ஆற்றில் தண்ணீரில் ஒரு சிலை கிடப்பதை பார்த்துள்ளார்.இதையடுத்து அவர் தனிப்பிரிவு போலீசாருக்கு தகவல் கொடுத்தார். அதன்பேரில் திருக்காட்டுப்பள்ளி சப்இன்ஸ்பெக்டர் கார்த்திக், சிறப்பு சப்இன்ஸ்பெக்டர் மதி மற்றும் போலீசார் அப்பகுதிக்கு சென்று பார்த்தபோது தண்ணீரில் சிலை கிடந்தது.இதையடுத்து விஏஓ வீரமணி மற்றும் கிராம உதவியாளர் ராபர்ட்டுக்கு தகவல் தெரிவித்து அவர்கள் முன்னிலையில் சிலை வெளியே எடுக்கப்பட்டது.

இதில் கண்டெடுக்கப்பட்ட அம்மன் கற்சிலை 2 அடி உயரம், முக்கால் அடி அகலம் உள்ளது.சில நாட்களுக்கு முன் மர்மநபர்கள், கோயிலில் இருந்து சிலையை கடத்தி கொண்டு வந்து மறைத்து வைக்க தண்ணீரில் போட்டிருக்கலாம் என்று போலீசார் கருதுகின்றனர். இதுகுறித்து பூதலூர் தாசில்தார் சிவகுமாருக்கு தகவல் தெரிவிக்கப்பட்டது. இதையடுத்த பூதலூர் தாலுகா அலுவலகத்துக்கு சிலை கொண்டு சென்று பாதுகாப்பாக வைக்கப்பட்டது.இதுகுறித்து தாசில்தார் சிவகுமார் கூறுகையில், அம்மன் சிலை கண்டெடுத்தது குறித்து அறநிலையத்துறையினருக்கு தகவல் கொடுக்கப்படும். பின்னர் அவர்களிடம் சிலையை ஒப்படைப்போம் என்றார்


மேலும் செய்திகள்

Like Us on Facebook Dinkaran Daily News
  • 29-01-2020

    29-01-2020 இன்றைய சிறப்பு படங்கள்

  • coronaa_chinnnaa1

    ஆள் நடமாட்டமின்றி பேய் நகரமாக மாறிய சீன மாகாணம் : கொரோனோ வைரஸால் மக்களின் பயத்தை காட்டும் காட்சிகள்

  • chinnaa_hospiitt1

    25,000 சதுர மீட்டர்.. 1000 படுக்கைகள்.. கொரோனா வைரஸுக்காக 6 நாள்களில் தயாராகும் சிறப்பு மருத்துவமனை : அவசரகதியில் சீன அரசு

  • vinveli_sathanaiiii1

    விண்வெளியில் உள்ள சர்வதேச விண்வெளி நிலையத்தில் முதல் முறையாக குக்கீஸ் தயாரித்து சாதனை

  • landlide_floodd_11

    பிரேசிலில் வரலாறு காணாத மழை : வெள்ளம், நிலச்சரிவில் சிக்கி 47 பேர் பலி ; 58 நகரங்களில் இருந்து 20 ஆயிரம் மக்கள் வெளியேற்றம்

படங்கள் வீடியோ கல்வி சினிமா ஜோ‌திட‌ம்