SUN குழுமத்திலிருந்து வெளிவரும் காலை நாளிதழ்

ஏலகிரி மலையில் தாவரவியல் பூங்கா அமைக்க கலெக்டர் ஆய்வு

2019-12-13@ 14:35:26

*கலையரங்கை மேம்படுத்த அதிகாரிகளுக்கு உத்தரவு

ஜோலார்பேட்டை : ஏலகிரி மலையில் தாவரவியல் பூங்கா அமைப்பதற்கான ஆயத்த பணிகளை கலெக்டர் சிவன்அருள் ஆய்வு செய்தார். இதையடுத்து, ஏலகிரி மலையில் உள்ள யாத்ரி நிவாஸ், ஆதிதிராவிடர் நல பள்ளி, மகளிர் விடுதி கட்டிட மையம், பழத்தோட்டம் உள்ளிட்ட இடங்களையும்  ஆய்வு செய்தார். பின்னர், அங்குள்ள ஆதிதிராவிடர் நலப்பள்ளியில் மாணவர்களுக்கு, கலெக்டர் காலணிகளை வழங்கினார். இதைத்தொடர்ந்து, சுற்றுலா தலமான ஏலகிரி மலையை மேம்படுத்துவது தொடர்பாக மாவட்ட ஊரக வளர்ச்சித்துறை அதிகாரிகளுடன் ஆலோசனை மேற்கொண்டார். பின்னர், அரசு யாத்ரி நிவாஸ் தங்கும் விடுதி அருகே  சிதிலமடைந்துள்ள பொழுதுபோக்கு கலை அரங்கத்தை ஆய்வு செய்தார்.

பின்னர், அரங்கை மேம்படுத்த ஜோலார்பேட்டை பிடிஓ பிரேம்குமாருக்கு  கலெக்டர் உத்தரவிட்டார். மேலும், கலையரங்கம் பகுதியில் சிதிலமடைந்த சேர்களையும், குப்பைகளையும் சுத்தப்படுத்தும் பணியை பார்வையிட்டார். மேலும், பல்வேறு பகுதிகளில் இருந்து வரும் சுற்றுலா பயணிகள் தங்கி இயற்கை காட்சிகளை ரசிக்கும் வகையில் அப்பகுதியில் பல்வேறு இடங்களை  மேம்படுத்துவதற்கான பணிகள் குறித்து துறை  அதிகாரிகளுடன் ஆலோசனை நடத்தினார்.

இதில் ஊரக வளர்ச்சித்துறை உதவி இயக்குனர் அருண், வருவாய் ஆய்வாளர் சிலம்பரசன், கிராம நிர்வாக அலுவலர் மஸ்தான் உட்பட பலர் உடனிருந்தனர்.முன்னதாக திருப்பத்தூர் மாவட்ட தொடக்க விழாவில் முதல்வர் எடப்பாடி பழனிசாமி ஏலகிரி மலை சுற்றுலத்தளாமாக மேம்படுத்தப்படும் என அறிவித்திருந்தார். அதனடிப்படையில் ₹50 லட்சம் மதிப்பில் ஏலகிரி மலையில் தாவரவியல் பூங்கா அமைப்பதற்கான ஆயத்த பணிகளை கலெக்டர் ஆய்வு செய்தார்.


மேலும் செய்திகள்

Like Us on Facebook Dinkaran Daily News
  • varaverppu stage20

    உலகின் மிக பெரிய கிரிக்கெட் மைதானத்தில் நடைபெற்ற பிரமாண்ட நமஸ்தே டிரம்ப் நிகழ்ச்சி : அதிபர் டிரம்ப், மோடி சிறப்புமிக்க உரை ; ஒரு லட்சம் பேர் பங்கேற்பு

  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

படங்கள் வீடியோ கல்வி சினிமா ஜோ‌திட‌ம்