SUN குழுமத்திலிருந்து வெளிவரும் காலை நாளிதழ்

விருதுநகர் அருகே செங்குன்றாபுரம் ரேசன் கடையில் பலநாள் இருப்பு அரிசி விநியோகம்

2019-12-13@ 14:22:35

விருதுநகர் : விருதுநகர் அருகே ரேசன் கடையில் கார்டுதாரர்களுக்கு பல நாட்கள் இருப்பில் இருந்த அரிசி விநியோகம் செய்யப்பட்டது. இதனால் கார்டுதாரர்கள் எதிர்ப்பு தெரிவித்ததால் பரபரப்பு ஏற்பட்டது. விருதுநகர் அழகாபுரி ரோட்டில் செங்குன்றாபுரம் கூட்டுறவு சங்கத்தின் கட்டுப்பாட்டில் செங்குன்றாபுரம், சமத்துவபுரம், சொக்கம்பட்டி ஆகிய 3 ரேசன் கடைகள் உள்ளன. இந்த கடைகளுக்கு ஒரே ஒரு பெண் விற்பனையாளர் பணியில் உள்ளார். நேற்று முன்தினம் மாலை செங்குன்றாபுரம் ரேசன் கடையில் கார்டுதாரர்களுக்கு அரிசி விநியோகம் செய்யப்பட்டது. நிறம் குறைந்த அரிசி விநியோகம் செய்யப்பட்டதால் கார்டுதாரர்கள் அதிர்ச்சி அடைந்தனர். ரேசன் கடை விற்பனையாளரிடம் எதிர்ப்பு தெரிவித்தனர்.

கிராம மக்கள் கூறுகையில், கிராம மக்களின் வாழ்வாதாரம் ரேசன் அரிசியை நம்பி இருக்கிறது. தற்போது புழுங்கல் அரிசி இருவிதமாக வழங்குகின்றனர். கேட்டால் இருப்பில் உள்ள மூடைகளை காலி செய்வதாக கூறுகின்றனர்.
சங்க தலைவர் பாலமுருகன் கூறுகையில், ரேசன்கடை பெண் விற்பனையாளர் மூன்று கடைகளை பார்த்து வருகிறார். அரிசி லோடு வரும் போது ஒவ்வொரு முறையும் பழைய அரிசியின் மீது இறக்கி சென்று விடுகின்றனர். இரு மாதங்களுக்கு முன் இறக்கப்பட்ட அரிசியை காலி செய்ய வேண்டிய கட்டாயத்தால் 12 கிலோ கார்டுதாரர்களுக்கு 8 கிலோ புது அரிசி, 4 கிலோ பழைய அரிசியை தனித்தனியாக வழங்குவதாக தெரிவித்தார்.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்