SUN குழுமத்திலிருந்து வெளிவரும் காலை நாளிதழ்

ஏடிஎம்மில் கொள்ளையடிக்க முயன்ற வாலிபர் சிக்கினார்

2019-12-11@ 01:21:42

பூந்தமல்லி: போரூரில் ஏடிஎம் மெஷினை உடைத்து கொள்ளையடிக்க முயன்றவரை போலீசார்  கைது செய்து சிறையில் அடைத்தனர்.  மவுண்ட் - பூந்தமல்லி சாலை, போரூர் அருகே உள்ள ஏடிஎம் மையத்திற்குள் நேற்று முன்தினம் இரவு நுழைந்த மர்ம நபர், ஏடிஎம் இயந்திரத்தை உடைத்து கொள்ளை முயற்சியில் ஈடுபட்டுள்ளார். இந்த காட்சி வங்கியின் தலைமையகத்துக்கு தெரியவர, இதுபற்றி போரூர் காவல் நிலையத்துக்கு தகவல் கொடுக்கப்பட்டது.  போலீசார் உடனே, சம்பவ இடத்திற்கு சென்றனர். அதற்குள் அந்த நபர் அங்கிருந்து தப்பிச் சென்றுவிட்டார். ஏடிஎம் மையத்தில் பார்வையிட்டபோது, இயந்திரம் உடைக்கப்பட்டு இருந்தது. ஆனால், லாக்கரை உடைக்க முடியாததால், பணம் எதுவும் கொள்ளை போகவில்லை. இதையடுத்து கண்காணிப்பு கேமராவில் பதிவான காட்சிகளை கொண்டு கொள்ளையனை பார்த்தபோது போலீசார் அதிர்ச்சி அடைந்தனர்.

காரணம், சம்பவத்தன்று வாலிபர் ஒருவர் போதையில் பைக் ஓட்டி வந்து போரூர் பகுதியில் மற்றொரு பைக் மீது மோதி விபத்து ஏற்படுத்தினார். அவரை பிடித்த போலீசார், வாகனத்தின் ஆவணங்களை எடுத்து வருமாறு, முகவரியை வாங்கி வைத்து கொண்டு அனுப்பிய வைத்துள்ளனர். அந்த நபர் தான் ஏடிஎம்மில் கொள்ளை முயற்சியில் ஈடுபட்டது தெரியவந்தது.   விசாரணையில், அவர் அம்பத்தூர், கள்ளிக்குப்பம், புதூர் பகுதியைச் சேர்ந்த யோகேல் ராஜா (24), என்பது தெரியவந்தது. அவரை கைது செய்து விசாரணை மேற்கொண்டனர்.  அதில், விபத்து ஏற்படுத்திய பின்னர், வாகனத்தின் ஆவணத்தை எடுத்துவருமாறு போலீசார் கூறியதால், போதையில் என்ன செய்வதென்று தெரியாமல் நின்றேன். அப்போது, கையில் செலவுக்கு பணமும் இல்லை, போலீசாரும் பைக்கை பிடுங்கி வைத்து கொண்டதால் ஆத்திரமடைந்து போரூரில் உள்ள ஏடிஎம் இயந்திரத்தை உடைத்து கொள்ளை முயற்சியில் ஈடுபட்டேன், என தெரிவித்துள்ளார். இதையடுத்து யோகேல்ராஜாவை கைது செய்து புழல் சிறையில் அடைத்தனர்.



மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்