SUN குழுமத்திலிருந்து வெளிவரும் காலை நாளிதழ்

டிசம்பர் 26ம் தேதி சூரிய கிரகணம் சூரியன் நெருப்பு வளையமாக மாறும்: வெறும் கண்களால் பார்க்கக்கூடாது

2019-12-08@ 06:32:47

சென்னை: டிசம்பர் 26ம் தேதி  நடைபெறும் சூரிய கிரகணத்தின்போது சூரியன் நெருப்பு வளையமாக மாறும் என்று தமிழ்நாடு அறிவியல் மைய அதிகாரிகள் கூறினர். சூரியன், சந்திரன், பூமி ஒரே நேர்கோட்டில் வருவது சூரிய கிரகணம் ஆகும். டிசம்பர் 26ம் தேதி 8.30 மணி முதல் 11.30 மணி வரை 3 மணி நேரம் இந்த சூரியகிரகணம் நீடிக்கும். அப்போது சூரியன் பார்ப்பதற்கு ஒரு நெருப்பு வளையம் போல் தெரியும். இதுதொடர்பாக தமிழ்நாடு அறிவியல் மைய அதிகாரிகள் கூறியதாவது:தமிழகத்தில் 2010ம் ஆண்டு கன்னியாகுமரி மாவட்டத்தில் சூரிய கிரகணம் தெரிந்தது. அதைத்தொடர்ந்து 9 ஆண்டுகளுக்கு பின் இந்த கிரகணம் நிகழ்கிறது.

புதுக்கோட்டை, திருச்சி, கரூர், ஈரோடு, திருப்பூர், கோவை, நீலகிரி ஆகிய 7 மாவட்டங்களில் மேகமூட்டம் இல்லாத நிலையில் தெளிவாக தெரியும். பிற மாவட்டங்களில் முழுமையடையாத நெருப்பு வளையமாக தெரியும். கிரகணம் தொடங்கியதும், சூரியனில் மேற்கிலிருந்து கிழக்காக ஒரு நிழல் பரவும். சரியாக காலை 9.31 மணிக்கு முழுமையாக மறைக்கும். இதை வெறுங்கண்களால் பார்க்கக்கூடாது. இதை பார்ப்பதற்கு மாவட்ட வாரியாக ஏற்பாடு செய்யப்பட்டு வருகிறது.

சிறுவயதில் உருவத்தை பெரிதாக்கி காட்டும் லென்ஸ், பிற சாதனங்கள் மூலம்  வீட்டில் இருந்தபடியே பாதுகாப்பான முறைகளை பின்பற்றி சூரிய கிரகணத்தை பார்க்கலாம். வெறும் கண்களால் பார்ப்பது  கண்களுக்கு பாதிப்பை ஏற்படுத்தும். இந்த அரிய நிகழ்வை பதிவு செய்ய வானியல் ஆர்வலர்கள் தயாராகி வருகின்றனர். இதற்கடுத்தபடியாக 2034ம் ஆண்டு தான் இதே போன்றதொரு சூரியகிரகணம் பார்க்க முடியும். இவ்வாறு தமிழ்நாடு அறிவியல் மைய அதிகாரிகள் கூறினர்.


மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்