SUN குழுமத்திலிருந்து வெளிவரும் காலை நாளிதழ்

பாகிஸ்தான் விவகாரத்தில் மிகுந்த எச்சரிக்கை தேவை: ராணுவத்துக்கு ராஜ்நாத் சிங் அறிவுரை

2019-12-08@ 00:43:59

டேராடூன்: ‘‘தீவிரவாதத்தை நாட்டின் கொள்கையாக கடைபிடிக்கும் பாகிஸ்தானிடம் இந்திய ராணுவம் எச்சரிக்கையாக இருக்க வேண்டும்,’’ என்று பாதுகாப்புத் துறை அமைச்சர் ராஜ்நாத் சிங் வலியுறுத்தி உள்ளார். உத்தரகாண்ட் மாநிலம், டேராடூனில் நேற்று நடந்த ராணுவ பயிற்சி நிறைவு விழாவில் பாதுகாப்புத் துறை அமைச்சர் ராஜ்நாத் சிங் பேசியதாவது: ஆயுதப்படை வீரர்களாகிய நீங்கள் உலகிற்கு அமைதியை எடுத்து செல்ல வேண்டும். அதே நேரம், அண்டை நாடான பாகிஸ்தானுடன் மிகவும் எச்சரிக்கையாக இருக்க வேண்டும். இந்தியா உடனான பல போர்களில் தோல்வியை தழுவிய போதிலும், பாகிஸ்தான் தீவிரவாதத்தை தொடர்ந்து அதன் கொள்கையாக கொண்டுள்ளது. ராணுவத்தின் பிடியில் ஆட்சியாளர்கள் கைப்பாவையாக இருந்து வருகின்றனர்.

இந்தியா தனது எல்லையை விரிவுபடுத்த நினைப்பதில்லை என்பதற்கு வரலாற்று சான்று உள்ளது. தனது அண்டை நாடுகளுடன் அது எப்போதும் நட்புறவு பேணுவதையே விரும்புகிறது. அதேநேரம், அண்டை நாடான பாகிஸ்தான் விவகாரத்தில் நாம் மிகவும் எச்சரிக்கையுடன் இருக்க வேண்டும்.
தீவிரவாத ஒழிப்பு உடன்படிக்கை ஏற்படாவிடில் மும்பை தீவிரவாத தாக்குதலுக்கு நீதி கிடைக்காது. இந்த பயிற்சி உங்களுக்கு வலிமையை மட்டும் தரவில்லை. மாறாக, புது வாழ்வை அளித்துள்ளது. இவ்வாறு ராஜ்நாத் பேசினார்.


மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்