SUN குழுமத்திலிருந்து வெளிவரும் காலை நாளிதழ்

தமிழக மாநில தேர்தல் ஆணையம் திறமையற்றது: கே.எஸ்.அழகிரி பேட்டி

2019-12-07@ 00:18:28

சென்னை: அம்பேத்கர் நினைவு தினத்தை முன்னிட்டு, சத்தியமூர்த்தி பவனில் வைக்கப்பட்டிருந்த அவரது உருவ படத்துக்கு தமிழக காங்கிஸ் தலைவர் கே.எஸ்.அழகிரி மலர்தூவி மரியாதை செலுத்தினார். நிகழ்ச்சியில், மேலிட பொறுப்பாளர்கள் சஞ்சய்தத், ஸ்ரீவல்லபிரசாத், கோபண்ணா, சிரஞ்சீவி, இரா.மனோகர், தாமோதரன், கீழானூர் ராஜேந்திரன், தணிகாசலம், பொன்.கிருஷ்ணமூர்த்தி, வக்கீல் செல்வம், நாஞ்சில் பிரசாத், ஜான்சிராணி, சுமதி அன்பரசு, மலர்கொடி, எஸ்.கே.நவாஸ், மாவட்ட தலைவர் எம்.எஸ்.திரவியம், சிவ.ராஜசேகரன், வீரபாண்டியன் உட்பட பலர் கலந்து கொண்டனர். அப்போது கே.எஸ்.அழகிரி நிருபர்களிடம் கூறியதாவது:  தமிழகத்தில் மாநில தேர்தல் ஆணையம் ஒரு குழப்பமான, திறமையற்ற ஆணையம்.

அதற்கு காரணம், அதிமுகவுக்கு வேண்டிய ஒருவர் தேர்தல் ஆணையராக வரவேண்டும் என்று கருதி திறமையற்ற ஒருவரை நியமித்ததுதான். உள்ளாட்சி தேர்தலையே இரண்டு கட்டமாக நடத்துவது என முடிவு செய்து, இடஒதுக்கீட்டை சரியாக கணக்கிடாமல் இன்றைக்கு நீதிமன்றத்திலே போய் அதிமுக அரசு குட்டு வாங்கியுள்ளது. தமிழக அரசுக்கு இது மிகப்பெரிய தலைக்குனிவு. இது தவறான ஒரு முயற்சி. எனவே, நேர்மையான, திறமையான ஒருவரை தேர்தல் ஆணையராக தமிழக அரசு நியமிக்க வேண்டும்.  இவ்வாறு அவர் கூறினார்.

பொள்ளாச்சி விவகாரத்தை ஆளுங்கட்சி அடக்கி வாசிப்பது ஏன்?
மேலும், கே.எஸ்.அழகிரி கூறுகையில், ‘தெலங்கானா, டெல்லியில் நடந்த பாலியல் பலாத்கார விவகாரத்தில் அரசியல் கிடையாது. அந்த பகுதிகளில் சுற்றி திரிந்த ரவுடிகள் அந்த தவறை செய்துள்ளனர். ஆனால் பொள்ளாச்சி விவகாரத்தில் அரசியல் இருக்கிறது. ஆளுங்கட்சியின் கைவரிசை அதில் இருக்கிறது. ஆளுங்கட்சிக்கு மிகவும் நெருக்கமான குடும்பங்கள் அதில் சம்பந்தப்பட்டுள்ளனர். எனவே பொள்ளாச்சி விஷயத்தை அடக்கி வாசிக்கிறார்கள்’ என்றார்.


மேலும் செய்திகள்

Like Us on Facebook Dinkaran Daily News
  • colum_ellaiii1

    எல்லை பாதுகாப்பை வலுப்படுத்தும் வகையில், கொலம்பியா வீரர்களுடன் இணைந்து அமெரிக்க பாரா 'ட்ரூப் வீரர்கள் பயிற்சி

  • chinaaa_scieen11

    உலகை ஆட்டிப் படைக்கும் கொரோனா வைரஸிற்கு இதுவரை 132 பேர் பலி : வைரஸால் பாதிக்கப்பட்ட சுமார் 6,000 பேருக்கு தீவிர சிகிச்சை

  • marathon_dogggg1

    482 கி.மீ.தூரத்தை கடக்க அசுர வேகத்தில் ஓடி வரும் நாய்கள்… அமெரிக்காவில் களைகட்டிய மாரத்தான் போட்டி : பார்வையாளர்கள் உற்சாகம்

  • 29-01-2020

    29-01-2020 இன்றைய சிறப்பு படங்கள்

  • coronaa_chinnnaa1

    ஆள் நடமாட்டமின்றி பேய் நகரமாக மாறிய சீன மாகாணம் : கொரோனோ வைரஸால் மக்களின் பயத்தை காட்டும் காட்சிகள்

படங்கள் வீடியோ கல்வி சினிமா ஜோ‌திட‌ம்