நாய்ஸ் நிறுவனம் இரண்டு புதிய ஸ்மார்ட் வாட்ச்களை இந்தியாவில் அறிமுகப்படுத்தியுள்ளது. இந்திய நிறுவனமான நாய்ஸ் நிறுவனம் தற்பொழுது நம்பமுடியாத மலிவான விலையில் ஸ்மார்ட் வாட்ச்களை இந்திய சந்தையில் அறிமுகம் செய்துள்ளது. சமீபத்தில் நாய்ஸ் கலர் பிட் ப்ரோ 2 என்ற ஸ்மார்ட் ஃபிட் பேண்டை நாய்ஸ் நிறுவனம் அறிமுகம் செய்தது. அதனைத் தொடர்ந்து நாய்ஸ் ஃபிட் எவால்வ் மற்றும் நாய்ஸ் ஃபிட் எவால்வ் ஸ்போர்ட் ஆகிய இரண்டு மாடல்களை, நாய்ஸ் நிறுவனம்  இந்திய சந்தையில் இன்று அறிமுகம் செய்துள்ளது.

மலிவான விலையில் இந்தியச் சந்தையில் அறிமுகமாகி  உள்ள இந்த நாய்ஸ் ஃபிட் எவால்வ் மற்றும் நாய்ஸ் ஃபிட் எவால்வ் ஸ்போர்ட் இரண்டு மாடல்கள் பற்றிய தகவல்கள் என்னவென்று பார்க்கலாம். இந்த ஸ்மார்ட் வாட்ச்கள் நிச்சயம் உங்கள் பாக்கெட் மனிக்கு கூடுதல் செலவு வைக்காது என்று நாய்ஸ் நிறுவனம் தெரிவித்துள்ளது. வநாய்ஸ் ஃபிட் எவால்வ் மற்றும் நாய்ஸ் ஃபிட் எவால்வ் ஸ்போர்ட் ஆகிய இரண்டு மாடல்களும் ரூ.5,499 என்ற துவக்க விலையில் அறிமுகம் செய்யப்பட்டுள்ளது.

இந்த இரண்டு மாடல்களும் gonoise.com என்ற நிறுவனத்தின் வலைத்தளத்தில் விற்பனைக்குக் கிடைக்கும். அதனைத் தொடர்ந்து அனைத்து ரீடைலர் இடங்களிலும் விற்பனைக்குக் கிடைக்கும் என்று அறிவிக்கப்பட்டுள்ளது.   நாய்ஸ் ஃபிட் எவால்வ் சிலேட்டு பிளாக், டஸ்க் ப்ளூ மற்றும் ப்ளஷ் பிங்க் ஆகிய மூன்று நிறங்களில் வெளியாகிவுள்ளது. அதேபோல் நாய்ஸ் ஃபிட் எவால்வ் ஸ்போர்ட் மாடல் கருப்பு நிறத்தில் மட்டுமே வெளியிடப்பட்டுள்ளது.