SUN குழுமத்திலிருந்து வெளிவரும் காலை நாளிதழ்

பவர்புல் இன்ஜினுடன் புதிய மஹிந்திரா எக்ஸ்யூவி500

2019-11-10@ 01:34:41

சக்தி வாய்ந்த புதிய டீசல் இன்ஜினுடன் மஹிந்திரா எக்ஸ்யூவி500 கார் விரைவில் விற்பனைக்கு அறிமுகம் செய்யப்பட இருக்கிறது. மத்திய அரசு சார்பில், அடுத்த ஆண்டு ஏப்ரல் 1ம் தேதி முதல் பிஎஸ்-6 என்ற கடுமையான மாசு உமிழ்வு விதிகள் அமலுக்கு கொண்டு வரப்பட இருக்கின்றன. இதற்காக, அனைத்து ஆட்டோமொபைல் நிறுவனங்களும் பிஎஸ்-6 தரத்திற்கு நிகரான இன்ஜின்களுடன் கார்களை அறிமுகம் செய்து வருகின்றன. அந்த வகையில், இந்தியாவின் எஸ்யூவி ரக கார் ஸ்பெஷலிஸ்ட்டான மஹிந்திரா நிறுவனமும் பிஎஸ்-6 மாடல்களை அறிமுகம் செய்வதற்கு ஆயத்தமாகி வருகிறது.

மேலும், தனது ஸ்கார்ப்பியோ, எக்ஸ்யூவி500 உள்ளிட்ட மாடல்களில் புத்தம் புதிய டீசல் இன்ஜினை பயன்படுத்த இருக்கிறது மஹிந்திரா. அந்த வகையில், பிஎஸ்-6 மாசு உமிழ்வு தரத்திற்கு இணையான புதிய டீசல் இன்ஜின் பொருத்தப்பட்ட எக்ஸ்யூவி500 கார் பற்றிய படங்கள் தற்போது வெளியாகி இருக்கின்றன. இப்புதிய காரில், 2.2 லிட்டர் டீசல் இன்ஜின் பயன்படுத்தப்படுகிறது.

இந்த இன்ஜின் அதிகபட்சமாக 155 பிஎச்பி பவரை வெளிப்படுத்தும் திறன்கொண்டது. ஆனால், பிஎஸ்-6 மாடலில் இடம்பெற இருக்கும் 2.0 லிட்டர் டீசல் இன்ஜின் அதிகபட்சமாக 185 பிஎச்பி பவரை வெளிப்படுத்தும் திறன் கொண்டதாக இருக்கும். இதனால், பிஎஸ்-6 மஹிந்திரா எக்ஸ்யூவி 500 கார் மீது வாடிக்கையாளர்கள் மத்தியில் அதிக ஆவல் எழுந்துள்ளது.

இது தவிர்த்து, மஹிந்திரா நிறுவனம் பிஎஸ்-6 மாசு உமிழ்வு தரத்திற்கு இணையான புதிய 2.0 லிட்டர் பெட்ரோல் இன்ஜினையும் சோதனை செய்து வருகிறது. இந்த இன்ஜின் ஸ்கார்ப்பியோ மற்றும் எக்ஸ்யூவி500 மாடல்களில் பயன்படுத்தப்படும் என்று எதிர்பார்க்கப்படுகிறது. பிஎஸ்-6 மாசு உமிழ்வு தரத்திற்கு இணையான இன்ஜின்களுடன் புதிய மஹிந்திரா எக்ஸ்யூவி500 கடந்த சில மாதங்களாக, சாலை சோதனைகளுக்கு உட்படுத்தப்பட்டு வருகிறது.

இந்த ஆய்வுகளின் அடிப்படையில் மாற்றம் செய்து மேம்படுத்தப்படுகிறது. புதிய மாற்றங்கள், பிஎஸ்-6 இன்ஜின்களுடன் விலையும் சற்று அதிகமாக இருக்கும் என எதிர்பார்க்கப்படுகிறது. டாடா ஹாரியர், எம்ஜி ஹெக்டர், ஜீப் காம்பஸ், ஹூண்டாய் கிரெட்டா உள்ளிட்ட மாடல்களுடன் இப்புதிய கார் போட்டி போடும். இது, 7 சீட்டர் மாடலாக இருப்பது பிளஸ் பாயிண்ட்டாக உள்ளது.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்