SUN குழுமத்திலிருந்து வெளிவரும் காலை நாளிதழ்

நடிகர் ரஜினிகாந்தை கட்சியில் இணையுமாறு பாஜவில் யாரும் எந்த முயற்சியிலும் ஈடுபடவில்லை: தேசிய பொதுச்செயலாளர் முரளிதர ராவ் பேட்டி

2019-11-09@ 01:13:37

சென்னை: தமிழக பாஜவின் மாநில நிர்வாகிகள், கட்சி தேர்தல் பொறுப்பாளர்கள் ஆலோசனை கூட்டம் சென்னை அமைந்தகரையில் நேற்று நடந்தது. கூட்டத்துக்கு கட்சியின் மாநில துணை தலைவர் எம்.ஆர்.காந்தி தலைமை தாங்கினார். மூத்த தலைவர் இல.கணேசன், முன்னாள் மத்திய அமைச்சர் பொன்.ராதாகிருஷ்ணன், மாநில தேர்தல் பொறுப்பாளர்கள் ராமலிங்கம், திருமலைச்சாமி முன்னிலை வகித்தனர். சிறப்பு விருந்தினராக தேசிய பொதுச் செயலாளர் முரளிதர ராவ் கலந்து கொண்டார். பின்னர் அவர் அளித்த பேட்டி: நடிகர் ரஜினிகாந்த் பாஜவில் இணைவார் என்று ஒருபோதும் நாங்கள் கூறியது இல்லை. அதற்கான முயற்சியில் எந்தவொரு நபரும் ஈடுபடவில்லை. உள்ளாட்சி தேர்தல்தான் எங்கள் இலக்கு. அதற்கான வேலையில் நாங்கள் மும்முரமாக ஈடுபட்டுள்ளோம். திருவள்ளுவர் விஷயத்தை பாஜ உலகளாவிய தத்துவத்தின் அடிப்படையில் அணுகுகிறது என்றார்.

பொறுப்பு தலைவர்களா? கூட்டத்தில் பரபரப்பு
தமிழிசை தெலங்கானா கவர்னராக நியமிக்கப்பட்டதை அடுத்து தமிழக பாஜ தலைவர் இன்னும் நியமிக்கப்படவில்லை. இந்நிலையில்  ஆலோசனை கூட்டம் நடந்தது. தலைவர் இல்லாததால் கட்சியின் மூத்த தலைவர் ஒருவரை தலைமை தாங்க வைப்பதற்காக, துணை தலைவராக உள்ள எம்.ஆர்.காந்திக்கு நிகழ்ச்சிக்கான பொறுப்பு தலைவர் பதவி வழங்கப்பட்டது. அதே நேரத்தில் மேடையில் இல.கணேசன், பொன்.ராதாகிருஷ்ணன், வானதி சீனிவாசன் ஆகியோர் இருந்தனர். மேடையில் இருந்த 4 பேரும் கட்சியின் பொறுப்பு தலைவராக நியமிக்கப்பட்டுள்ளனர் என்று தகவல் பரவியது. சிறிது நேரத்திற்கு பிறகு அப்படி பொறுப்பு தலைவர் யாரும் நியமிக்கப்படவில்லை என்று அறிவிக்கப்பட்டது. அதன் பிறகே அது வதந்தி என்பது தெரியவந்தது.


மேலும் செய்திகள்

Like Us on Facebook Dinkaran Daily News
  • 15-11-2019

    15-11-2019 இன்றைய சிறப்பு படங்கள்

  • princecharlesbday

    தனது 71வது பிறந்தநாளை மும்பையில் பள்ளி குழந்தைகளுடன் கேக் வெட்டி கொண்டாடிய பிரின்ஸ் சார்லஸ்: புகைப்படங்கள்!

  • childrensday

    குழந்தைகள் தின கொண்டாட்டம் இன்று: நேருவிற்கு குழந்தைகள், கட்சி தலைவர்கள், பிரபலங்கள் மரியாதை!

  • modibrics

    பிரிக்ஸ் மாநாட்டில் கலந்து கொள்ள பிரேசில் சென்றுள்ள பிரதமர் மோடி: ரஷ்ய, சீன அதிபர்களை சந்தித்த புகைப்படங்கள்!

  • 14-11-2019

    14-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்