SUN குழுமத்திலிருந்து வெளிவரும் காலை நாளிதழ்

நடிகர் பிரித்விராஜின் சொகுசு காரை பதிவு செய்ய மறுப்பு : விலையை குறைத்து காண்பித்ததால் அதிகாரிகள் அதிரடி

2019-11-09@ 00:18:54

திருவனந்தபுரம் : பிரபல  மலையாள நடிகர் பிரித்விராஜின் சொகுசு காரின் விலையை குறைத்து  காண்பித்ததால் அதை பதிவுசெய்ய மோட்டார் போக்குவரத்துத்துறை அதிகாரிகள்  மறுத்து விட்டனர். மலையாள சினிமாவில் முன்னணி  நடிகர்களில் ஒருவராக இருப்பவர் பிரித்விராஜ். இவர் அடிக்கடி புதிய சொகுசு  கார்களை வாங்குவது வழக்கம். புதுப்புது கார்களில் வலம்வருவதில்  பிரித்விராஜ்க்கு அதிக ஆர்வம் உண்டு. கடந்த சில ஆண்டுகளுக்கு முன்பு இவர்  பல கோடி ரூபாய் மதிப்பிலான ‘லம்போர்கினி’  காரை வாங்கினார். அதற்காக  அவர் கேரளாவில் செலுத்த வேண்டிய முழு வரியையும் செலுத்தினார்.

இந்த  நிலையில் சமீபத்தில் இவர் ரூ.1.64 கோடி மதிப்புள்ள சொகுசு காரை வாங்கினார்.  அந்த காரை பதிவு செய்வதற்காக வாகன நிறுவனத்தினர் கொச்சி மோட்டார்  போக்குவரத்துத் துறையிடம் ஆன்-லைனில் பதிவு செய்தனர். அப்போது காரின் விலையை  குறைத்து ரூ.1.34 கோடி என குறிப்பிட்டிருந்தனர். ஆனால் உண்மையான மதிப்பு  ரூ.1.64 ேகாடி என்பது மோட்டார் போக்குவரத்துத்துறை அதிகாரிகளுக்கு  தெரியவந்தது.
இதையடுத்து வாகனத்தை பதிவுசெய்ய மோட்டார்  போக்குவரத்துத்துறை அதிகாரிகள் மறுத்து விட்டனர். காரின் உண்மையான மதிப்பை  குறிப்பிட்டால் ரூ.9 லட்சம் கூடுதல் வரி செலுத்த வேண்டும். எனவே அந்த  காரின் உண்மை விலையை குறிப்பிட்டால் மட்டுமே அதை பதிவு செய்ய முடியும் என  மோட்டார் வாகன அதிகாரிகள் தெரிவித்தனர்.


மேலும் செய்திகள்

Like Us on Facebook Dinkaran Daily News
  • 15-11-2019

    15-11-2019 இன்றைய சிறப்பு படங்கள்

  • princecharlesbday

    தனது 71வது பிறந்தநாளை மும்பையில் பள்ளி குழந்தைகளுடன் கேக் வெட்டி கொண்டாடிய பிரின்ஸ் சார்லஸ்: புகைப்படங்கள்!

  • childrensday

    குழந்தைகள் தின கொண்டாட்டம் இன்று: நேருவிற்கு குழந்தைகள், கட்சி தலைவர்கள், பிரபலங்கள் மரியாதை!

  • modibrics

    பிரிக்ஸ் மாநாட்டில் கலந்து கொள்ள பிரேசில் சென்றுள்ள பிரதமர் மோடி: ரஷ்ய, சீன அதிபர்களை சந்தித்த புகைப்படங்கள்!

  • 14-11-2019

    14-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்