SUN குழுமத்திலிருந்து வெளிவரும் காலை நாளிதழ்

சேலம் அருகே பஞ்சர் பட்டறையில் கம்ப்ரசர் சிலிண்டர் வெடித்து சிறுவன் கை துண்டிப்பு: 4 பேர் படுகாயம்

2019-11-08@ 14:48:06

சேலம்: சேலம் கந்தன்பட்டியில் லாரி டயருக்கு காற்று பிடித்தபோது, அதிக அழுத்தம் காரணமாக ஏர்- கம்ப்ரசர் வெடித்து விபத்திற்குள்ளாகியுள்ளது. இந்த விபத்தில் ஒரு குழந்தையின் கை துண்டிக்கப்பட்டுள்ளது. மேலும் 4 பேருக்கு பலத்த காயம் ஏற்பட்டுள்ளது. கந்தப்பட்டி பகுதியில் சுரேஷ் என்பவருக்கு சொந்தமான பஞ்சர் பட்டறையில் இன்று காலை கம்ப்ரசர் சிலிண்டர் மூலம் கண்டெய்னர் வாகனத்திற்கு காற்று பிடித்து கொண்டிருந்தனர். அப்போது சிலிண்டரில் ஏற்பட்ட அதிக அழுத்தம் காரணமாக பயங்கர சத்தத்தோடு வெடித்து சிதறியது. இதில் சிலிண்டரின் பாகங்கள் கண்டெய்னர் மீதும், அருகிலுள்ள ஓட்டு வீட்டின் மேற்கூரையை துளைத்து கொண்டும் உள்ளே விழுந்தது. இந்த சம்பவத்தில் வீட்டில் இருந்த மௌலீஸ்வரன் என்ற சிறுவனின் கை துண்டானது.

இதில் அவனது சகோதரன் ரித்தீஷ், பட்டறை ஊழியர் விஷ்ணுகுமார் உள்ளிட்ட 4 பேர் படுகாயமடைந்தனர். இதனை தொடர்ந்து 5 பேருக்கும் அருகிலுள்ள சேலம் அரசு மருத்துவமனையில் தீவிர சிகிச்சை அளிக்கப்பட்டு வருகிறது.  இது தொடர்பாக சூரமங்கலம் போலீசார் விரைந்து வந்து இப்பகுதியில் ஏற்பட்ட விபத்து குறித்து விசாரணை மேற்கொண்டனர். அந்த விசாரணையில் ஆயில் இன்ஜின் மூலம் அதிகளவிலான காற்று சிலிண்டருக்குள் செலுத்தப்பட்டதால் வெடித்துள்ளதாக தெரியவந்துள்ளது. மேலும் அருகில் நெடுஞ்சாலையில் வாகனங்கள் சென்ற நிலையில் சிலிண்டரின் பாகங்கள் கண்டெய்னரில் பட்டு தடுக்கப்பட்டதால் மிகப்பெரிய சேதம் தவிர்க்கப்பட்டது. இது தொடர்பாக போலீசார் தொடர்ந்து விசாரணை மேற்கொண்டு வருகின்றனர்.


மேலும் செய்திகள்

Like Us on Facebook Dinkaran Daily News
  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

படங்கள் வீடியோ கல்வி சினிமா ஜோ‌திட‌ம்