SUN குழுமத்திலிருந்து வெளிவரும் காலை நாளிதழ்

தாய்லாந்தில் பயங்கரம்: பிரிவினைவாத கிளர்ச்சியாளர்கள் நடத்திய துப்பாக்கிச்சூடு தாக்குதலில் 15 பேர் உயிரிழப்பு

2019-11-06@ 14:59:56

பாங்காக்: தாய்லாந்தில் பிரிவினைவாத போராட்டக்காரர்கள் நடத்திய துப்பாக்கிச்சூடு தாக்குதலில் 15 பேர் உயிரிழந்ததாக தகவல்கள் தெரிவிக்கின்றன. தாய்லாந்து நாட்டில், மலேசியா எல்லைப் பகுதிகளில் கிளர்ச்சியாளர்கள் தன்னாட்சி வேண்டும் என அரசுக்கு எதிராக போராடி வருகின்றனர். இதன் காரணமாக அவ்வப்போது வன்முறை சம்பவங்கள் நடைபெற்று வருகின்றன. சர்ச்சைக்குரிய அப்பகுதிகளில் தாய்லாந்து ராணுவமும், பொதுமக்களை பாதுகாக்கும் தன்னார்வலர்களும் பாதுகாப்புப்பணிகளில் ஈடுபட்டிருப்பது வழக்கமாக நிகழ்ந்து வருகிறது. தாய்லாந்தின் தென் பகுதியில் உள்ள யாலா(Yala) மாகாணத்தில், தன்னார்வலர்கள் கவனித்து வரும் இரு வாகன சோதனை சாவடி வழியாக சில வாகனங்கள் செல்ல முயன்றுள்ளது.

இந்த வாகனங்களை அங்கிருந்தவர்கள் தடுக்க முயன்றபோது தகராறு ஏற்படவே, உதவிக்கு கிராம மக்கள் வந்துள்ளனர். இதில் வாக்குவாதம் முற்றியதும், வாகனங்களில் வந்தவர்கள் கிராம மக்கள் மீது துப்பாக்கிச்சூடு நடத்தியுள்ளனர். இதில் 15 பேர் உயிரிழந்துள்ளனர். மேலும்  4 பேர் காயமடைந்துள்ளனர். இந்த நிலையில், தாக்குதலை பிரிவினைவாத போராட்டக்காரர்கள் நடத்தியிருக்க கூடும் என அதிகாரிகள் தெரிவித்துள்ளனர்.


மேலும் செய்திகள்

Like Us on Facebook Dinkaran Daily News
  • PopeFrancisInThailand

    முதல் முறையாக தாய்லாந்துக்கு பயணம் மேற்கொண்டுள்ள போப் பிரான்சிஸ்: பாங்காக்கில் நடைபெற்ற கூட்டுப் பிரார்த்தனையில் உரை

  • 130eng_11

    இங்கிலாந்தில் 130 ஆண்டுகால ஆட்டோமொபைல் வரலாற்றை பறைசாற்றும் கண்காட்சி!!

  • plastic22

    பிரான்ஸில் பிளாஸ்டிக் கழிவுகளை கொண்டு அமைக்கப்பட்ட செயற்கை தீவு: சுற்றுச்சூழலை பாதுகாக்க புதிய முயற்சி

  • pink_kolkatta11

    இந்திய வரலாற்றில் முதல் முறையாக பகல் - இரவு டெஸ்ட் போட்டி : பிங்க் நிறத்தில் ஜொலிக்கும் கொல்கத்தா நகரம்

  • panta22

    சர்வதேச பாண்டா அமைப்பால் தத்தெடுக்கப்பட்ட பழுப்பு நிற பாண்டா: புகைப்படங்கள்

படங்கள் வீடியோ கல்வி சினிமா ஜோ‌திட‌ம்