SUN குழுமத்திலிருந்து வெளிவரும் காலை நாளிதழ்

கஞ்சா விற்பனையில் தகராறு பீர்பாட்டிலை தலையில் உடைத்து வாலிபரை கொல்ல முயற்சி: 2 ரவுடிகள் கைது

2019-11-01@ 00:24:54

சென்னை: கஞ்சா விற்பனையில் ஏற்பட்ட தகராறில் பீர் பாட்டிலை தலையில் உடைத்து வாலிபரை கொலை செய்ய முயன்ற 2 ரவுடிகளை போலீசார் கைது செய்தனர். சென்னை மூலக்கடை சலாம் நகரை சேர்ந்தவர் இர்பான் (25). இவர் கஞ்சா  விற்பனை செய்து வருவதாக கூறப்படுகிறது. இந்நிலையில், கஞ்சா விற்பனையில் ரவுடிகளான பிரகாஷ் மற்றும் வாந்தி (எ) வாஞ்சிநாதன் ஆகியோருக்கும், இர்பானுக்கும் அடிக்கடி தகராறு ஏற்பட்டு வந்துள்ளது. வழக்கம் போல் ேநற்று  முன்தினம் இரவு இர்பான், பீட்டர்ஸ் சாலையில் காஞ்சா விற்பனை செய்துள்ளார். அப்போது அங்கு வந்த ரவுடிகள் பிரகாஷ் மற்றும் வாஞ்சிநாதன், ‘‘எங்கள் பகுதியில் நீ எப்படி கஞ்சா விற்பனை செய்யலாம்,’’ என்று மிரட்டினர். பின்னர், அங்கு  கிடந்த பீர்பாட்டிலை எடுத்து இர்பான் தலையில் அடித்து உடைத்தனர்.

அதோடு நில்லாமல் இர்பானை கீழே தள்ளி வலது கால் மீது பெரிய கல்லை போட்டு காலை முறித்துள்ளனர். இதில் வலி தாங்க முடியாமல் இர்பான் அலறினான். சத்தம் கேட்டு அருகில் இருந்தவர்கள் ஓடி வந்தனர். இதை பார்த்து, இருவரும்  அங்கிருந்து தப்பி ஓடிவிட்டனர். தகவலறிந்து அண்ணாசாலை போலீசார் சம்பவ இடத்திற்கு வந்து, காயமடைந்த இர்பானை மீட்டு சிகிச்சைக்காக அரசு மருத்துவமனையில் அனுமதித்தனர். பின்னர் வழக்கு பதிவு செய்த போலீசார், தப்பியோடிய  ரவுடிகளான பிரகாஷ் மற்றும் வாந்தி (எ) வாஞ்சிநாதனை கைது செய்தனர்.


மேலும் செய்திகள்

Like Us on Facebook Dinkaran Daily News
  • varaverppu stage20

    உலகின் மிக பெரிய கிரிக்கெட் மைதானத்தில் நடைபெற்ற பிரமாண்ட நமஸ்தே டிரம்ப் நிகழ்ச்சி : அதிபர் டிரம்ப், மோடி சிறப்புமிக்க உரை ; ஒரு லட்சம் பேர் பங்கேற்பு

  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

படங்கள் வீடியோ கல்வி சினிமா ஜோ‌திட‌ம்