SUN குழுமத்திலிருந்து வெளிவரும் காலை நாளிதழ்

அனைத்து அரசு துறைகள் இணைந்தால் டெங்குவை கட்டுப்படுத்தலாம் : ஐகோர்ட் கிளை கருத்து

2019-10-22@ 00:37:19

மதுரை: அரசுத் துறைகள் அனைத்தும் இணைந்து செயல்பட்டால் டெங்குவை கட்டுப்படுத்தலாம் என்று  ஐகோர்ட் கிளை நீதிபதிகள் கருத்து தெரிவித்துள்ளனர். மதுரை, மீனாட்சிபுரத்தைச் சேர்ந்த சரவணன், ஐகோர்ட் மதுரை கிளையில் தாக்கல் செய்த மனு:
 அரசு ேபாதிய முன்னெச்சரிக்கை நடவடிக்கை எடுக்காததால் தமிழகத்தில் டெங்கு, சிக்குன்குனியா மற்றும் வைரஸ் காய்ச்சல்கள் வேகமாக பரவி வருகிறது. இதை கட்டுப்படுத்தவும், கொசு உற்பத்தியை தடுக்கவும் அரசின் நடவடிக்கைகள்  போதுமானதாக இல்லை.
 கொசு உற்பத்தியை கட்டுப்படுத்தி, டெங்கு மற்றும் வைரஸ் காய்ச்சல் பரவுவதை தடுக்க தமிழக அரசுக்கு உத்தரவிட வேண்டும்.இவ்வாறு மனுவில் கூறியிருந்தார்.இந்த மனு நீதிபதிகள் டி.எஸ்.சிவஞானம், ஆர்.தாரணி ஆகியோர் முன் நேற்று விசாரணைக்கு வந்தது, கூடுதல் அட்வகேட் ஜெனரல் செல்லப்பாண்டியன் ஆஜராகி, ‘‘கொசு உற்பத்தியை கட்டுப்படுத்தவும், டெங்கு பரவுவதை தடுக்கவும்  தேவையான நடவடிக்கை எடுக்கப்பட்டுள்ளது. மாவட்ட தலைமை இடத்தில் சிறப்புக்குழு அமைக்கப்பட்டு பணிகள் துரிதமாக நடக்கிறது. இந்தப் பணியை சுகாதாரத்துறை முதன்மை செயலர் கண்காணிக்கிறார்’’ என்றார்.

இதையடுத்து நீதிபதிகள், ‘‘பொதுவாக குறிப்பிட்டு பொதுநல மனு செய்யக்கூடாது. அதற்கென போதுமான ஆவண, ஆதாரங்கள் இருக்க வேண்டும். நகராட்சி நிர்வாகம், மாநகராட்சி மற்றும் சுகாதாரத்துறை ஆகிய 3 துறைகளும் இணைந்து  செயல்பட்டால் தான் கொசு உற்பத்தியை கட்டுப்படுத்தி டெங்கு பரவாமல் தடுக்க முடியும். அதற்குத் தேவையான நடவடிக்கை எடுக்கப்பட்டுள்ளதாக அரசுத் தரப்பில் கூறப்பட்டுள்ளது. அந்த நடவடிக்கை தொடர வேண்டும்’’ என உத்தரவிட்டு  மனுவை தள்ளுபடி செய்தனர்.


மேலும் செய்திகள்

Like Us on Facebook Dinkaran Daily News
  • 08-12-2019

    08-12-2019 இன்றைய சிறப்பு படங்கள்

  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்