SUN குழுமத்திலிருந்து வெளிவரும் காலை நாளிதழ்

நாங்குநேரி தொகுதியில் தேர்தல் பணியாற்றிய ஆசிரியர்களுக்கு நாளை விடுப்பு: கலெக்டரிடம் ஆசிரியர்கள் வலியுறுத்தல்

2019-10-21@ 20:39:25

நெல்லை: நாங்குநேரி தொகுதியில் தேர்தல் பணியாற்றிய ஆசிரியர்களுக்கு நாளை (22ம் தேதி) ஒருநாள் பணி மேல் விடுப்பு வழங்க வேண்டும் என்று கலெக்டரை தமிழ்நாடு மேல்நிலைப்பள்ளி முதுநிலை பட்டதாரி ஆசிரியர்  கழகம் வலியுறுத்தியுள்ளது. இதுகுறித்து தமிழ்நாடு மேல்நிலைப்பள்ளி முதுநிலை பட்டதாரி ஆசிரியர் கழகத்தின் மாவட்ட செயலாளர் பாபுசெல்வன் கலெக்டரிடம் அளித்துள்ள மனு: நாங்குநேரி தொகுதி சட்டமன்ற இடைத்தேர்தல் பணியில் ஈடுபட்டுள்ள  ஆசிரியர்கள் கடந்த இரு வாரங்களாக ஓய்வு இல்லாமல் தினமும் பணியாற்றி வருகின்றனர். இதனால் உடல் ரீதியாகவும், மன  ரீதியாகவும் மிகுந்த பாதிப்படைந்துள்ளனர்.

ஏனென்றால் கடந்த 12ம் தேதி, 19ம் தேதி ஆகிய இரு நாட்களும் பள்ளி வேலை நாளாக இருந்த காரணத்தினாலும் கடந்த 13ம் தேதி ஞாயிற்றுக்கிழமை தேர்தல் பயிற்சி  வகுப்புகளில் கலந்து கொண்டதோடு மட்டுமல்லாமல் நேற்று (20ம் தேதி) ஞாயிற்றுக்கிழமை தொடர்ந்து எவ்வித ஓய்வும் இல்லாமல் தேர்தல் பணிக்கு செல்ல வேண்டிய கட்டாய நிலைக்கு தள்ளப்பட்டனர்.தேர்தல்  நடைபெறும் நாளான இன்று (21ம் தேதி) தேர்தல் பணி முடிந்து ஆசிரியர்கள் தங்களுடைய வீடுகளுக்கு திரும்ப நள்ளிரவு வரை ஆகிவிடும் என்பதால் மிகுந்த மன உளைச்சலுக்கு ஆளாகி உள்ளனர். எனவே நாளை (22ம் தேதி) ஒருநாள் தேர்தல் பணியில் ஈடுபட்டுள்ள ஆசிரியர்களுக்கு பணிமேல் விடுப்பு (ஆன் டூட்டி) வழங்க நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • modibrics

    பிரிக்ஸ் மாநாட்டில் கலந்து கொள்ள பிரேசில் சென்றுள்ள பிரதமர் மோடி: ரஷ்ய, சீன அதிபர்களை சந்தித்த புகைப்படங்கள்!

  • 14-11-2019

    14-11-2019 இன்றைய சிறப்பு படங்கள்

  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

படங்கள் வீடியோ கல்வி சினிமா ஜோ‌திட‌ம்