SUN குழுமத்திலிருந்து வெளிவரும் காலை நாளிதழ்

18 ஆண்டுகள் கடின உழைப்பால் வீட்டின் மொட்டை மாடியில் விமானம் தயாரித்த விமானி: பிரதமர் மோடியை சந்தித்து நன்றி தெரிவிப்பு

2019-10-21@ 17:56:36

டெல்லி: மும்பையில் தனது வீட்டின் மொட்டை மாடியில் தயாரித்த விமானம் பறப்பதற்கு அனுமதி கிடைத்ததை அடுத்து பிரதமர் நரேந்திர மோடியை சந்தித்து விமானி நன்றி தெரிவித்தார். மகாராஷ்டிராவை சேர்ந்த விமான கேப்டன் அமோல் யாதவ் மும்பையின் புறநகர் பகுதியில் வசித்து வருகிறார். சொந்தமாக விமானம் தயாரிக்க வேண்டும் என்பது தான் அவருடைய லட்சிய கனவு. இதற்காக சுமார் 18 ஆண்டுகள் கடின உழைப்பால் போராடி தனது வீட்டு மொட்டை மாடியில் 6 பேர் அமர்ந்து செல்லும் சிறிய ரக விமானத்தை கிடைத்த பொருட்களை கொண்டு ரூபாய் 4 கோடியில் வடிவமைத்தார். பின்னர் அந்த விமானத்தை பிரித்து கீழே  இறங்கி மீண்டும் இணைத்து மேக் இன் இந்தியா திட்ட நிகழ்ச்சியிலும் காட்சிப்படுத்தி அனைவரின் வரவேற்பையும் பெற்றார். ஆனால் விமானத்தை பறக்க வைக்க விமான போக்குவரத்து இயக்குனரகத்தின் அனுமதி கிடைப்பதில் தொடர்ந்து சிக்கல் நீடித்து வந்தது.

அமோல் யாதவின் பிரச்சனைகளை அறிந்த  மகாராஷ்டிரா முதலமைச்சர் தேவேந்திர பட்னாவிஸ், இந்த விவகாரத்தை பிரதமர் நரேந்திர மோடியின் கவனத்திற்கு கொண்டு சென்றார். இதனை அடுத்து பிரதமர் மோடி அமோல் யாதவின் திட்டத்துக்கு உதவிகளை செய்யும்ப்படி விமான போக்குவரத்து தலைமை இயக்குனரகத்திற்கு அறிவுறுத்தினார். இதையடுத்து கடந்த 3 நாட்களுக்கு முன்பு அமோல் யாதவின் விமானத்தை சோதனை முறையில் பறக்க வைக்க சில நிபந்தனைகளுடன் அனுமதி வழங்கப்பட்டது. இந்த நிலையில் டெல்லியில் பிரதமர் நரேந்திர மோடியை சந்தித்து அமோல் யாதவ் தனது கனவை நிறைவேற்றியதற்காக நன்றி தெரிவித்தார். அமோல் யாதவின் விமானம் சோதனையில் வெற்றி பெற்றால் தொடர்ந்து பறப்பதற்கு சான்றிதழ் வழங்கப்படும் என்பது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • modibrics

    பிரிக்ஸ் மாநாட்டில் கலந்து கொள்ள பிரேசில் சென்றுள்ள பிரதமர் மோடி: ரஷ்ய, சீன அதிபர்களை சந்தித்த புகைப்படங்கள்!

  • 14-11-2019

    14-11-2019 இன்றைய சிறப்பு படங்கள்

  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

படங்கள் வீடியோ கல்வி சினிமா ஜோ‌திட‌ம்