SUN குழுமத்திலிருந்து வெளிவரும் காலை நாளிதழ்

கஜா புயலால் பாதிக்கப்பட்ட 10 குடும்பங்களுக்கு ரூ.18.50 லட்சம் செலவில் வீடு வழங்கினார் நடிகர் ரஜினி

2019-10-21@ 11:12:56

சென்னை: கஜா புயல் காரணமாக வீடு இழந்தவர்களில் 10 பேருக்கு நடிகர் ரஜினிகாந்த் வீடு கட்டி கொடுத்துள்ளார். கடந்த ஆண்டு கஜா புயலால் பாதிக்கப்பட்ட மாவட்டங்களில் ரஜினி மக்கள் மன்றம் சார்பாக பல்வேறு நலத்திட்ட உதவிகளும் வழங்கப்பட்டது. குறிப்பாக புதுக்கோட்டை, நாகை மற்றும் திருவள்ளுர் பகுதியில் ரஜினி மக்கள் மன்றம் சார்பாக உள்ள நிர்வாகிகள் அனைவரும் தொடர்ந்து நலத்திட்ட உதவிகளை வழங்கி வந்தனர். தற்போது நாகை மாவட்டத்தில் உள்ள தலைநாயரு, கோரியக்காடு உள்ளிட்ட முக்கிய பகுதிகளில் மிகவும் பாதிக்கப்பட்ட 10 குடும்பங்களுக்கு ரஜினி மக்கள் மன்றம் சார்பாக இலவசமாக வீடு கட்டி தரப்படும் என நடிகர் ரஜினி தெரிவித்திருந்தார். அதற்கான பணிகள் கடந்த 6 மாதங்களாக நடைபெற்று வந்தது.

தற்போது முற்றிலுமாக வீடு கட்டும் பணிகள் நிறைவடைந்த நிலையில், போயஸ்கார்டனில் உள்ள ரஜினி இல்லத்தில் ரஜினி அவர்கள் அவருடைய கைகளால் கட்டி முடிக்கப்பட்ட 10 வீடுகளின் சாவியை வழங்கியுள்ளார். அதுமட்டுமின்றி ஒவ்வொரு குடும்பத்துக்கும் ஒரு குத்துவிளக்கும் கொடுத்துள்ளார். இது போன்ற முக்கிய பாதிக்கப்பட்ட இடங்களான நாகை மாவட்டத்தில் உள்ள 10 குடும்பங்களுக்கு வீடு கட்டி தரப்படும் என தெரிவித்திருந்தார். மேலும் அதற்கான நிதியும் ஒதுக்கப்பட்டிருந்தது. ஒரு வீட்டிற்கு 1 லட்சத்து 85 ஆயிரம் ரூபாய் ஒதுக்கப்பட்டிருந்தது.

மொத்தம் 10 வீடுகளுக்கு 18 லட்சத்து 50 ஆயிரம் ரூபாய் மதிப்பீட்டில் வீடுகள் கட்டி முடிக்கப்பட்டு தற்போது வீட்டின் உரிமையாளர்களுக்கு சாவியை ரஜினி வழங்கியுள்ளார். இது குறித்து பாதிக்கப்பட்டவர்கள் தெரிவித்ததாவது, கஜா புயலால் வீடுகளை இழந்து தவிக்கும் தங்களுக்கு வீடு கட்டி கொடுத்தது மிகவும் மகிழ்ச்சியாக உள்ளது என தெரிவித்துள்ளனர். தொடர்ந்து ரஜினி மக்கள் மன்றம் சார்பாக மற்ற மாவட்டங்களில் பாதிக்கப்பட்டவர்களை ஆராய்ந்து அவர்களை ஆய்வு செய்து அவர்களுக்கும் உதவ நடவடிக்கை எடுக்கப்படும் என தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்