SUN குழுமத்திலிருந்து வெளிவரும் காலை நாளிதழ்

ராமேஸ்வரம் - தனுஷ்கோடி இடையே ரயில் பாதை அமைக்க ஆய்வு துவக்கம்

2019-10-20@ 14:43:56

ராமேஸ்வரம்: ராமேஸ்வரம் - தனுஷ்கோடி இடையே ரயில்வே போக்குவரத்து தொடர்பான கட்டுமான பணிகளை துவக்குவதற்கான மணல் ஆய்வு பணி நடைபெற்று வருகிறது. ராமேஸ்வரம் - தனுஷ்கோடி இடையே 80 ஆண்டுகளுக்கு பிறகு மீண்டும் ரயில் போக்குவரத்தை துவக்க மத்திய அரசு முடிவு செய்துள்ளது. இதற்காக ரூ.150 கோடி திட்டமதிப்பீடு செய்யப்பட்டுள்ளது. இதனைத்தொடர்ந்து ரயில்வே துறையால் கடந்த 8 மாதங்களில் பல கட்டங்களாக ரயில் போக்குவரத்துக்கான தண்டவாளம், பாலங்கள் அமைப்பது, ரயில் நிலையம் கட்டுமிடம் தொடர்பான நிலம் சர்வே செய்யும் பணி நடத்தப்பட்டது.

கடந்த சில நாட்களாக தனுஷ்கோடியில் பழைய ரயில்வே ஸ்டேஷன் இருந்த பகுதியில் பிளாட்பாரங்கள், ரயில் நிலைய கட்டடங்கள் கட்டுவதற்கான நிலத்தடி மணல் ஆய்வு பணி நடந்து வருகிறது. தனுஷ்கோடியில் தேசிய நெடுஞ்சாலைக்கும், வடக்கு கடற்கரைக்கும் இடைப்பட்ட பகுதியில் பழைய ரயில் நிலையம் அமைந்திருந்த பகுதியில் துளையிடும் இயந்திரத்தின் மூலம் பல இடங்களில் நிலத்திற்குள் துளையிட்டு மண் மாதிரி சேகரிக்கப்படுகிறது. இங்கு சேகரிக்கப்படும் மண் மாதிரிகள் ஆய்வுக்கூடத்திற்கு அனுப்பப்பட்டு மண்ணின் தன்மை ஆய்வு செய்யப்படும். நிலத்திற்கு அடியில் கட்டிடம் கட்டுவதற்கு ஏதுவாக மணலின் தன்மை உள்ளதா என்பது குறித்த ஆய்வுக்குப்பின் அறிக்கை பெறப்பட்டு, ரயில் பாதை அமைப்பது, ரயில் நிலையம் கட்டுவது குறித்த அடுத்தக்கட்ட நடவடிக்கைகள் தொடருமென அதிகாரிகள் தெரிவித்தனர்.


மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்