SUN குழுமத்திலிருந்து வெளிவரும் காலை நாளிதழ்

சில்லி பாயின்ட்...

2019-10-17@ 00:23:38

* ‘எல்லோரையும் போலவே நானும் சாதாரணமாவன் தான். ஆனால், எனது உணர்ச்சிகளை கட்டுப்படுத்திக் கொள்வதில் சிறப்பாக செயல்படுகிறேன்’ என்று இந்திய அணி நட்சத்திரம் எம்.எஸ்.டோனி கூறியுள்ளார்.
* டென்மார்க் ஓபன் பேட்மின்டன் தொடரின் மகளிர் ஒற்றையர் பிரிவில் ஜப்பான் வீராங்கனை சயாகா டாகஹாஷியுடன் நேற்று மோதிய இந்திய நட்சத்திரம் சாய்னா நெஹ்வால் 15-21, 21-23 என்ற நேர் செட்களில் போராடி தோற்றார். ஆண்கள் ஒற்றையர் பிரிவில் இந்தியாவின் சமீர் வர்மா 21-11, 21-11 என்ற நேர் செட்களில் ஜப்பானின் கன்டா சுனியாமாவை எளிதாக வீழ்த்தினார்.
* இந்திய அணி பகல்/இரவு டெஸ்ட் போட்டிகளில் விளையாட ஏற்பாடு செய்வதில் கவனம் செலுத்துவோம் என்று கிரிக்கெட் வாரியத்தின் புதிய தலைவராக பொறுப்பேற்க உள்ள சவுரவ் கங்குலி தெரிவித்துள்ளார்.
* சுல்தான் ஆப் ஜொகோர் கோப்பை ஜூனியர் ஆண்கள் ஹாக்கி போட்டித் தொடரில் ஆஸ்திரேலிய அணியுடன் நேற்று மோதிய இந்தியா 5-1 என்ற கோல் கணக்கில் அபாரமாக வென்று இறுதிப் போட்டிக்கு தகுதி பெற்றது.
* பிரபல லீக் கால்பந்து போட்டிகளில் அதிக கோல் அடித்த வீரருக்கான தங்கக் காலணி விருதை பார்சிலோனா அணியின் லியோனல் மெஸ்ஸி (அர்ஜென்டினா) தொடர்ந்து 3வது சீசனாக வென்றுள்ளார்.
* புரோ கபடி லீக் தொடரின் முதல் அரை இறுதியில் தபாங் டெல்லி கே.சி. அணி 44-38 என்ற புள்ளிக் கணக்கில் பெங்களூரு புல்ஸ் அணியை வீழ்த்தி பைனலுக்கு முன்னேறியது.


மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்