SUN குழுமத்திலிருந்து வெளிவரும் காலை நாளிதழ்

திருவொற்றியூரில் மெட்ரோ ரயில் பணி நடைபெறும் இடங்களில் பழுதடைந்த சாலைகள்: வாகன ஓட்டிகள் அவதி

2019-10-14@ 00:22:08

திருவெற்றியூர்:    திருவொற்றியூரில் மெட்ரோ ரயில் பணி நடைபெறும் இடங்களில் சாலை பழுதடைந்து குண்டும் குழியுமாக உள்ளதால் பொதுமக்கள் அவதிப்படுகின்றனர். சென்னை வண்ணாரப்பேட்டையில் இருந்து விம்கோ நகர் வரை மெட்ரோ ரயில் விரிவாக்க பணி பல கோடி ரூபாய் செலவில் நடைபெற்று வருகிறது. இதற்காக திருவெற்றியூர் நெடுஞ்சாலையில் ராட்சத தூண்கள் மீது ரயில் பாதை  அமைக்கபடுகிறது. இந்நிலையில் இந்த மெட்ரோ ரயில் பணிகள் நடைபெறும் திருவொற்றியூர் நெடுஞ்சாலையில் பல இடங்களில் குண்டும் குழியுமாக உள்ளதால் மாநகர பேருந்து, கார் போன்ற வாகனங்கள் சிரமத்துடன் செல்லும் நிலை உள்ளது.   மேலும், இருசக்கர வாகனத்தில் வருபவர்கள் சாலையில் சிதறிக்கிடக்கும் கருங்கற்களில் சறுக்கி கீழே விழுந்து காயமடைகின்றனர். குறிப்பாக எல்லையம்மன் கோயில் தெரு, திருவொற்றியூர் மார்க்கெட் பகுதி போன்ற பல இடங்களில் மிக  மோசமாக சாலை பழுது அடைந்துள்ளது.

எனவே, பழுதடைந்த சாலையை சீரமைக்க வேண்டும் என்று மெட்ரோ ரயில் நிர்வாகத்திடம் பொதுமக்கள் பலமுறை கோரிக்கை விடுத்தனர். ஆனால் ஒரு சில இடங்கள் மட்டுமே சாலைகள் சீரமைக்கப்பட்டு, மற்ற இடங்களில் சாலைகள்  போடாமல் அப்படியே கிடப்பில் விட்டுவிட்டனர். இதனால், போக்குவரத்துக்கு இடையூறு மற்றும் விபத்து அதிகரித்து வருகிறது. இதுகுறித்து வாகன ஓட்டிகள் கூறுகையில்,  ‘‘மெட்ரோ ரயில் நடைபெறும் இடங்களில் சாலை அமைக்க வேண்டும் என்பது விதிமுறை.  இதற்காக நிதியும் ஒதுக்கப்படுகிறது. ஆனால் அதிகாரிகள் ஒரு சில இடங்களில் மட்டும் சாலையை  போட்டுவிட்டு மற்ற இடங்களில் சாலைகள் போடாமல் முறைகேட்டில் ஈடுபட்டு வருகின்றனர்.  மேலும் மெட்ரோ ரயில் கட்டுமானப் பணிகள் போதிய பாதுகாப்பு இல்லாமல் நடைபெற்று வருகிறது. இதனால் உயரத்தில் இருந்து இரும்பு கம்பி போன்றவைகள் கீழே சாலையில் செல்லும் பொதுமக்கள் மீது விழுந்து விபத்து ஏற்படும் அபாயம்  உள்ளது. எனவே பழுதடைந்த சாலையை சீரமைக்க வேண்டும். பாதுகாப்பான முறையில் பணிகளை செய்ய வேண்டும்,’’ என்றனர்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்