SUN குழுமத்திலிருந்து வெளிவரும் காலை நாளிதழ்

நீட் ஆள்மாறாட்ட வழக்கு: உதித் சூர்யா மற்றும் அவரது தந்தையின் காவலை நீட்டித்து தேனி குற்றவியல் நடுவர் நீதிமன்றம் உத்தரவு

2019-10-10@ 15:28:10

தேனி: நீட் ஆள்மாறாட்ட வழக்கில் கைது செய்யப்பட்டுள்ள உதித் சூர்யா மற்றும் அவரது தந்தையின் காவலை நீட்டித்து தேனி குற்றவியல் நடுவர் நீதிமன்றம் உத்தரவு பிறப்பித்துள்ளது. சென்னை ஸ்டான்லி மருத்துவமனையில் டாக்டராக இருந்தவர் வெங்கடேசன். இவரது மகன், உதித் சூர்யா. இவர், ஆள்மாறாட்டம் மூலம் நீட் தேர்வு எழுதி, தேனி மருத்துவக் கல்லூரியில் சேர்ந்தது தெரியவந்தது. இந்த தகவல் வெளியானதும் சிபிசிஐடி விசாரணைக்கு உத்தரவிடப்பட்டது. அந்த பிரிவின் டிஜிபி ஜாபர்சேட் உத்தரவின்பேரில் எஸ்பி விஜயகுமார் தலைமையில் தனிப்படை அமைக்கப்பட்டது. தனிப்படையினர் தீவிர விசாரணை நடத்தி உதித் சூர்யா, வெங்கடேசன் ஆகியோரை கடந்த 25ம் தேதி கீழ் திருப்பதி அடிவாரத்தில் கைது செய்தனர்.

கைது செய்த பின் உதித் சூர்யா, அவரது தந்தை வெங்கடேசன் இருவரையும் சிபிசிஐடி போலீசாரிடம் தனிப்படை போலீசார் ஒப்படைத்தனர். அதன்பின், தேனியில் உள்ள சிபிசிஐடி அலுவலகத்துக்கு அவர்களை சிபிசிஐடி போலீசார் கொண்டு வந்தனர். விசாரணை முடிந்து கடந்த செப்டம்பர் 26ம் தேதி உதித் சூர்யா, அவரது தந்தை வெங்கடேசன் ஆகிய இருவரையும் தேனி நீதிமன்றத்தில் ஆஜர்படுத்தி 15 நாள் மதுரை மத்திய சிறையில் அடைத்தனர். இந்நிலையில் உதித் சூர்யா, அவரது தந்தை வெங்கடேசன் ஆகியோரை மதுரை மத்திய சிறையில் இருந்து தேனி மாவட்ட ஒருங்கிணைந்த நீதிமன்றத்தில் போலீசார் இன்று ஆஜர்படுத்தினர். அப்போது, உதித்சூர்யா மற்றும் அவரது தந்தை வெங்கடேசனுக்கு 15 நாள் நீதிமன்ற காவல் நீட்டித்து, வரும் அக்டோபர் 24ம் தேதி தேனி நீதித்துறை நடுவர் நீதிமன்றத்தில் ஆஜர்படுத்த நீதிபதி பன்னீர்செல்வம் உத்தரவிட்டுள்ளார்.


மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்