SUN குழுமத்திலிருந்து வெளிவரும் காலை நாளிதழ்

தென் ஆப்ரிக்காவுடன் மகளிர் கிரிக்கெட் முதல் ஒருநாள் போட்டியில் இந்தியா அபார வெற்றி

2019-10-10@ 01:00:57

வதோதரா: தென் ஆப்ரிக்க மகளிர் கிரிக்கெட் அணியுடனான முதல் ஒருநாள் போட்டியில், இந்தியா 8 விக்கெட் வித்தியாசத்தில் அபாரமாக வென்றது. ரிலையன்ஸ் ஸ்டேடியத்தில் நேற்று நடந்த இப்போட்டியில், டாசில் வென்று பேட் செய்த தென் ஆப்ரிக்கா 45.1 ஓவரில் 164 ரன் மட்டுமே எடுத்து ஆல் அவுட்டானது. வுல்வார்ட் 39, கேப்டன் சுனே லுவஸ் 22, மரிஸன்னே காப் 54 ரன் எடுக்க, மற்ற வீராங்கனைகள் சொற்ப ரன்னில் அணிவகுத்தனர். இந்திய பந்துவீச்சில் ஜுலன் கோஸ்வாமி 3, ஷிகா பாண்டே, ஏக்தா பிஷ்ட், பூனம் யாதவ் தலா 2, தீப்தி 1 விக்கெட் வீழ்த்தினர்.இதைத் தொடர்ந்து, 50 ஓவரில் 165 ரன் எடுத்தால் வெற்றி என்ற இலக்குடன் இந்திய அணி களமிறங்கியது. அறிமுக வீராங்கனை பிரியா பூனியா, ஜெமிமா ரோட்ரிகியூசுடன் இணைந்து துரத்தலை தொடங்கினார். இந்த ஜோடி முதல் விக்கெட்டுக்கு 20.4 ஓவரில் 83 ரன் சேர்த்து வலுவான தொடக்கத்தை கொடுத்தது.

ஜெமிமா 55 ரன் (65 பந்து, 7 பவுண்டரி), பூனம் ராவுத் 16 ரன் எடுத்து ஆட்டமிழந்தனர். இந்தியா 41.4 ஓவரில் 2 விக்கெட் இழப்புக்கு 165 ரன் எடுத்து வென்றது. பிரியா பூனியா 75 ரன் (124 பந்து, 8 பவுண்டரி), கேப்டன் மித்தாலி ராஜ் 11 ரன்னுடன் ஆட்டமிழக்காமல் இருந்தனர். முதல் போட்டியிலேயே சிறந்த வீராங்கனை விருதை தட்டிச் சென்றார் பிரியா பூனியா.  இந்தியா 1-0 என முன்னிலை வகிக்க, 2வது ஒருநாள் போட்டி வதோதராவில் நாளை காலை 9.00 மணிக்கு தொடங்குகிறது.


மேலும் செய்திகள்

Like Us on Facebook Dinkaran Daily News
  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

  • 18-10-2019

    18-10-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்