SUN குழுமத்திலிருந்து வெளிவரும் காலை நாளிதழ்

தொழிலதிபரை நிர்வாணப்படுத்தி மிரட்டி பணம் பறித்த கும்பல்: இளம்பெண் உள்பட 4 பேர் கைது

2019-09-24@ 00:22:58

திருவனந்தபுரம்: கேரளாவை சேர்ந்த தொழிலதிபரை நிர்வாணப்படுத்தி மிரட்டி பணம் பறித்த பெண் உட் பட 4 பேரை போலீசார் கைது செய்தனர்.கேரளாவின் எர்ணாகுளத்தை சேர்ந்தவர் நசீர் (42, பெயர் மாற்றப்பட்டுள்ளது). இவர் கத்தார் நாட்டில் தொழில் நிறுவனம் நடத்தி வருகிறார். கத்தாரில் இவர் வசிக்கும் பகுதியில் எர்ணாகுளம் தோப்பும்படி பகுதியைச் சேர்ந்த மேரி வர்க்கீஸ் (26)  என்பவர் ஒரு தனியார் நிறுவனத்தில் வேலை செய்து வருகிறார். கடந்த சில மாதங்களுக்கு முன் நசீருக்கும், மேரி வர்க்கீசுக்கும் பழக்கம் ஏற்பட்டது. நாளடைவில் இருவரும் நெருக்கமானார்கள். இதையடுத்து கடந்த மாதம் மேரி வர்க்கீஸ் தான்  வசிக்கும் பிளாட்டுக்கு வரும்படி நசீரை அழைத்துள்ளார். அவரும் அங்கு சென்றார். அப்போது அங்கு இருந்த ஒரு கும்பல் நசீரை மிரட்டி நிர்வாணப்படுத்தியது. அப்போது மேரி வர்க்கீசும் நிர்வாணமாக அவர் அருகில் முத்தம் கொடுப்பதுபோல் நின்றுள்ளார். இதை அந்த கும்பல் புகைப்படம் எடுத்துள்ளது. பின்னர் அந்த  புகைப்படத்தை காட்டி ₹50 லட்சம் கேட்டு மிரட்டியுள்ளனர்.

கேரளா சென்று பணத்தை எடுத்து தருவதாக கூறி நசீர் அங்கிருந்து தப்பி வந்தார். எர்ணாகுளம் வந்த அவர் போலீஸில் புகார் அளித்தார். கும்பல் தலைவன் கொடுத்த வங்கிக் கணக்கில் 30 ஆயிரம் செலுத்தும்படி நசீரிடம் போலீசார் கூறினர்.  கண்ணூர் மாவட்டம் தளிபரம்பு பகுதியில் உள்ள ஒரு ஏடிஎம்மில் இருந்து அந்த பணம் எடுக்கப்பட்டதை போலீசார் கண்டுபிடித்தனர். பணம் எடுத்த கும்பல் பெங்களூர் சென்று கொண்டிருப்பது தெரியவந்தது. இதையடுத்து போலீசார் அந்த கும்பலை பின்தொடர்ந்து சென்று கர்நாடக மாநிலம் மடிக்கேரியில் உள்ள ஒரு லாட்ஜில் வைத்து மடக்கி பிடித்தனர். விசாரணையில்  அவர்கள் கண்ணூரைச் சேர்ந்த சபாத் (25), அஸ்கர் (25), முகமது ஷபீக் (27) மற்றும் மேரி வர்க்கீஸ் (26) என தெரியவந்தது.இதுபோல் இக்கும்பல் மேலும் பலரை இதே பாணியில் மிரட்டி பணம் பறித்தது தெரியவந்தது. இக்கும்பல் அடிக்கடி கேரளாவில் இருந்து துபாய், கத்தார் உள்பட நாடுகளுக்கு சென்று அங்குள்ளவர்களை இதேபோல் மிரட்டி பணம் பறித்து  வந்துள்ளனர். போலீசார் அவர்களை கைது செய்து எர்ணாகுளம் சிறையில் அடைத்தனர். அவர்களை காவலில் எடுத்து விசாரித்தால் மேலும் பல திடுக்கிடும் தகவல்கள் கிடைக்கும் என போலீசார் தெரிவித்துள்ளனர்.


மேலும் செய்திகள்

Like Us on Facebook Dinkaran Daily News
  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

  • 18-10-2019

    18-10-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்