SUN குழுமத்திலிருந்து வெளிவரும் காலை நாளிதழ்

களக்காடு வரதராஜபெருமாள் கோயிலில் கருடசேவை விழா

2019-09-22@ 19:51:07

களக்காடு: களக்காடு வரதராஜபெருமாள் கோயிலில் புரட்டாசி சனிக்கிழமையை முன்னிட்டு கருடசேவை விழா நடந்தது. களக்காடு வரதராஜபெருமாள் கோயிலில் ஆண்டுதோறும் புரட்டாசி சனிக்கிழமைகளில் கருடசேவை விழா வெகு விமரிசையாக நடைபெறுவது வழக்கம். அதன்படி புரட்டாசி முதல் சனிக்கிழமையை முன்னிட்டு நேற்று கருடசேவை உற்சவம் கோலாகலத்துடன் நடந்தது. இதையொட்டி பகலில் வரதராஜபெருமாள், வெங்கடாஜலபதி சுவாமிகள், தேவியர்கள் மற்றும் பரிவார தெய்வங்களுக்கு சிறப்பு திருமஞ்சனம் நடத்தப்பட்டது. மாலையில் விஷேச அலங்கார தீபாராதனைகள் இடம்பெற்றது.

அதனைதொடர்ந்து இரவில் கருட சேவை நடைபெற்றது. வரதராஜபெருமாள், வெங்கடாஜலபதி சுவாமிகள் தனித்தனி கருட வாகனங்களில் எழுந்தருளி மேளதாளங்கள் முழங்க திருவீதி உலா வந்தனர்.விழாவில் களக்காடு மற்றும் சுற்றுவட்டார பகுதிகளை சேர்ந்த திரளான பக்தர்கள் கலந்து கொண்டனர். அவர்கள் நீண்டவரிசையில் காத்திருந்து சாமி தரிசனம் செய்தனர். வருகிற செப் 28, அக் 5, 12 ஆகிய தேதிகளிலும் கருடசேவை நடக்கிறது. இதுபோல திருக்குறுங்குடி திருமலைநம்பி கோயிலிலும் புரட்டாசி முதல் சனிக்கிழமையையொட்டி சிறப்பு வழிபாடுகள் நடந்தது. மாலையில் கோயில் உள்பிரகாரத்தில் கருட சேவை நடந்தது.


மேலும் செய்திகள்

Like Us on Facebook Dinkaran Daily News
  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

  • award20

    பஞ்சாபைச் சேர்ந்த சன்னி இந்துஸ்தானி இனிமையான குரல் ஆடிஷனில் இந்தியன் ஐடல் 11ஐ வென்றார்!!

  • 24-02-2020

    24-02-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்