SUN குழுமத்திலிருந்து வெளிவரும் காலை நாளிதழ்

ஆப் சீசன் துவங்கியதால் கொடைக்கானலில் அலைமோதும் சுற்றுலா பயணிகள் கூட்டம்

2019-09-22@ 18:59:50

கொடைக்கானல்: கொடைக்கானலில் ஆப் சீசன் துவங்கியுள்ளதால் சுற்றுலா பயணிகளின் வருகை அதிகரித்துள்ளது. மலைகளின் இளவரசி, தென்னிந்தியாவின் சுவிட்சர்லாந்து, ஏழைகளின் ஊட்டி என்றழைக்கப்படும் கொடைக்கானலுக்கு இந்தியா மட்டுமின்றி வெளிநாடுகளில் இருந்தும் ஏராளமான சுற்றுலா பயணிகள் வந்து செல்கின்றனர். ஏப்ரல், மே மாதங்கள் சீசன் மாதங்களாகும். இந்த கோடை சீசனில் இதமான சூழ்நிலை நிலவும். நவம்பர், டிசம்பர் மாதங்களில் குளிர் வாட்டி வதைக்கும். இந்த இரண்டுக்கும் இடைப்பட்ட சீசன் இரண்டாவது சீசன் எனப்படும் ஆப் சீசன். செப்டம்பர், அக்டோபர் மாதங்களில் இந்த சீசன் இருக்கும்.

இரண்டாம் சீசன் காலத்தில் கொடைக்கானலில் இதமான சூழ்நிலை நிலவும். தற்போது இரண்டாம் ஆப் சீசன் துவங்கியுள்ளது. இதனை அனுபவிக்க சுற்றுலா பயணிகள் குவிந்து வருகின்றனர். தொடர் விடுமுறையையொட்டி இன்று சுற்றுலா பயணிகளின் வருகை அதிகமாக இருந்தது. குணா குகை, பிரையண்ட் பூஙாக், மோயர் பாயின்ட், வெள்ளி நீர்வீழ்ச்சி, வட்டக்கானல் நீர்வீழ்ச்சி, கரடிச்சோலை நீர்வீழ்ச்சி உள்ளிட்ட அனைத்து சுற்றுலா இடங்களிலும் மக்கள் கூட்டம் அலைமோதியது. நகரின் மைய பகுதியிலுள்ள ஏரியில் படகு சவாரி செய்தும்,  ஏரிச்சாலையில் சைக்கிள் ஓட்டியும் மகிழ்ந்தனர்.

மேகமூட்டம் காரணமாக பலமணிநேரம் காத்திருந்து சுற்றுலா பயணிகள் தூண்பாறையை கண்டு ரசித்தனர். கேரள மாநிலத்தில் ஓணம் பண்டிகைை கொண்டாடப்படுவதால் கேரள மாநிலத்தைச் சேர்ந்த சுற்றுலா பயணிகளும் அதிக அளவில் குவிந்து வருகின்றனர். சுற்றுலா பயணிகளின் வருகை அதிகமாக இருந்ததால் பல இடங்களில் போக்குவரத்து நெரிசல் ஏற்பட்டது. குறிப்பாக வட்டக்கானல் பகுதியில் கடுமையான போக்குவரத்து நெரிசல் ஏற்பட்டது. இதனால் சுற்றுலா பயணிகள் அவதிக்குள்ளாகினர்.


மேலும் செய்திகள்

Like Us on Facebook Dinkaran Daily News
  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

  • award20

    பஞ்சாபைச் சேர்ந்த சன்னி இந்துஸ்தானி இனிமையான குரல் ஆடிஷனில் இந்தியன் ஐடல் 11ஐ வென்றார்!!

படங்கள் வீடியோ கல்வி சினிமா ஜோ‌திட‌ம்