SUN குழுமத்திலிருந்து வெளிவரும் காலை நாளிதழ்

சாரதா சிட்பண்ட் ஊழல் வழக்கு போலீஸ் அதிகாரி ராஜீவ் குமார் முன்ஜாமீன் மனு நிராகரிப்பு: தீவிர தேடுதலில் சிபிஐ

2019-09-22@ 13:54:31

கொல்கத்தா: சாரதா சிட்பண்ட் ஊழல் வழக்கில் குற்றம்சாட்டப்பட்டுள்ள கொல்கத்தா முன்னாள் போலீஸ் ஆணையர் ராஜீவ் குமார் முன்ஜாமீன் கோரி தாக்கல் செய்யப்பட்டிருந்த மனுவை மாவட்ட நீதிமன்றம் தள்ளுபடி செய்துள்ளது. தலைமறைவாக இருக்கும் ராஜீவ் குமாரை தேடி பல்வேறு சிறு குழுக்களை சிபிஐ அமைத்துள்ளது. அவரை கைது செய்ய நீதிமன்றம் தடையில்லை என்று தெரிவித்துவிட்டதால் தீவிர தேடுதலில் சிபிஐ அதிகாரிகள் இறங்கியுள்ளனர். மேற்கு வங்க மக்களிடம் ரூ.2500 கோடி மோசடியில் ஈடுபட்ட சாரதா சிட்பண்ட் நிறுவனம் மோசடி குறித்து விசாரிக்க அப்போது கொல்கத்தா போலீஸ் ஆணையராக இருந்த ராஜீவ் குமாரை மேற்கு வங்க முதல்வர் மம்தா பானர்ஜி நியமித்துள்ளார்.

ஆனால் விசாரணை முறையாக நடக்காததால் கடந்த 2014-ம் ஆண்டு சிபிஐ அமைப்புக்கு மாற்றி உச்சநீதிமன்றம் உத்தரவிட்டது. தற்போது மேற்கு வங்கத்தின் சிஐடி கூடுதல் இயக்குநராக ராஜீவ் குமார் இருந்து வருகிறார். இந்த வழக்கை விசாரித்த வந்தபோது ஏராளமான ஆவணங்களை அழித்துவிட்டதாகவும், ஆவணங்களை முறையாக ஒப்படைக்கவில்லை என்றும் சிபிஐ குற்றம் சாட்டி ராஜீவ் குமாரைக் கைது செய்ய முயன்றது. ஆனால், உச்சநீதிமன்றம் மற்றும் கொல்கத்தா உயர்நீதிமன்றத்தில் இருந்து கைது செய்யத் தடை ஆணையை ராஜீவ் குமார் பெற்றிருந்தார். ஆனால், ராஜீவ் குமாரை கைது செய்யத் தடையில்லை என்று கடந்த 10 நாட்களுக்கு முன் கொல்கத்தா உயர்நீதிமன்றம் சிபிஐக்கு தெரிவித்தது.

சிபிஐ அதிகாரிகள் மூன்று முறை சம்மன் அனுப்பியும் ராஜீவ் குமார் இன்னும் ஆஜராகவில்லை. இதற்கிடையே ராஜீவ் குமாரை கைது செய்ய வாரண்ட் கேட்டு அலிப்போர் நீதிமன்றத்தில் சிபிஐ மனுத்தாக்கல் செய்தது. ஆனால் மனுவை விசாரித்த நீதிபதி, உச்சநீதிமன்றமும், உயர்நீதிமன்றமும் ராஜீவ் குமாரை கைது செய்யத் தடையில்லை என்று அறிவித்த நிலையில் அவருக்கு வாரண்ட் ஏதும் பிறப்பிக்க வேண்டிய அவசியம் இல்லை என்று தெரிவித்தார். இதற்கிடையே அலிப்பூர் நீதிமன்றத்தில் போலீஸ் அதிகாரி ராஜீவ் குமார் சார்பில் முன்ஜாமீ்ன் கோரி மனுத் தாக்கல் செய்யப்பட்டு இருந்தது.

இந்த மனு நேற்று மாவட்ட நீதிபதி சுபர்தா முகர்ஜி முன் விசாரணைக்கு வந்துள்ளது. அப்போது ராஜீவ் குமார் தரப்பில் ஆஜராகிய வழக்கறிஞர் சாரதா சிட்பண்ட் வழக்கை விசாரிக்கும் அதிகாரியாக மட்டுமே ராஜீவ் குமார் இருந்தார். ஆனால் ஊழலில் ஒருபோதும் ஈடுபடவில்லை. ஆனால் சிபிஐ அவரை ஊழல் செய்ததாகச் சேர்த்துள்ளது. தற்போது சிஐடி துறையின் கூடுதல்இயக்குநராக இருக்கும் அவரை தப்பிஓடியவர் என்று சிபிஐ கூறுவதை ஏற்க முடியாது. அவரை காவலில் எடுக்க அனுமதிக்க கூடாது. அவருக்கு முன் ஜாமீன் வழங்க வேண்டும் எனத் தெரிவித்தார்.

இதற்கு சிபிஐ தரப்பு வழக்கறிஞர் எதிர்ப்புத் தெரிவித்து வாதிடுகையில், பலமுறை ராஜீவ் குமாருக்கு சம்மன் அனுப்பி விசாரணைக்கு ஆஜராகக் கோரினோம் ஆனால் அவர் விசாரணைக்கு ஒத்துழைக்கவில்லை சட்டத்தை மீறியே நடக்கிறார். அவருக்கு முன் ஜாமீன் வழங்குவதை கடுமையாக எதிர்க்கிறோம். விசாரணையின் முக்கியத்துவத்தை உணர்ந்தும் உச்சநீதிமன்றம் நியாயமாகவும், வெளிப்படையாகவும் விசாரிக்க வலியுறுத்தி இருப்தால் அவருக்கு முன்ஜாமீன் வழங்ககூடாது என வலியுறுத்தினர்.

இரு வாதங்களையும் கேட்ட நீதிபதி சுபர்தா பானர்ஜி, ' ராஜீவ் குமார் தாக்கல் செய்திருந்த முன்ஜாமீன் மனுவை தள்ளுபடி செய்வதாக அறிவித்தார். இதற்கிடையே ராஜீவ் குமாரை கண்டுபிடிப்பதற்கா சிபிஐ சிறப்பு குழுக்களை அமைத்துள்ளது. அந்த குழுக்கள் சனிக்கிழமை உத்தரப்பிரதேச பவன், தனியார் மருத்துவமனை ஆகிய இடங்களில் சோதனை நடத்தினார்கள். ராஜீவ் குமாரின் அதிகாரபூர்வ இல்லத்துக்குச் சென்ற சிபிஐ அதிகாரிகள் அவரின் மனைவியிடம் விசாரனை நடத்தினார்கள். மேலும் சவுத் 24 பர்கானா மாவட்டத்தில் உள்ள தனியார் மருத்துவமனைக்கும் சென்று சிபிஐ அதிகாரிகள் விசாரணை நடத்தினார்கள்.


மேலும் செய்திகள்

Like Us on Facebook Dinkaran Daily News
  • bday_day11

    ஏவுகணை நாயகனின் 88வது பிறந்த தினம் இன்று!.. : கனவுகளை விதைத்த அப்துல் கலாமின் அறிய புகைப்படங்கள்

  • 15-10-2019

    15-10-2019 இன்றைய சிறப்பு படங்கள்

  • MauCylinderBlastUP

    உ.பி.யில் சமையல் எரிவாயு சிலிண்டர் வெடித்து சிதறியதில் வீடு இடிந்து பெரும் விபத்து: 12 பேர் உயிரிழந்த பரிதாபம்!

  • NorthEastSyriaTurkey

    சிரியாவின் வட கிழக்கு பகுதியில் தொடர்ந்து வான்தாக்குதல் நடத்தி வரும் துருக்கி: அப்பாவி பொதுமக்கள் 9 பேர் உயிரிழப்பு!

  • DutchKingIndiaVisit

    அரசு முறை பயணமாக இந்தியா வந்துள்ள நெதர்லாந்து மன்னர்...: குடியரசு தலைவர் மாளிகையில் சிவப்பு கம்பள வரவேற்பு- புகைப்படங்கள்

படங்கள் வீடியோ கல்வி சினிமா ஜோ‌திட‌ம்