SUN குழுமத்திலிருந்து வெளிவரும் காலை நாளிதழ்

விக்கிரவாண்டி, நாங்குநேரி இடைத்தேர்தலில் போட்டியிட விரும்புவோர் நாளை முதல் விருப்பமனு அளிக்கலாம்: அதிமுக அறிவிப்பு

2019-09-21@ 14:39:17

சென்னை: விக்கிரவாண்டி, நாங்குநேரி இடைத்தேர்ல் இடைத்தேர்தலில் போட்டியிட விரும்புவோர் நாளை முதல் விருப்பமனு அளிக்கலாம் என்று அதிமுக தலைமை அறிவித்துள்ளது. நாங்குநேரி சட்டமன்ற தொகுதியின் எம்.எல்.ஏ.வாக இருந்த காங்கிரஸ் கட்சியின் வசந்தகுமார், மக்களவை தேர்தலில் கன்னியாகுமரி தொகுதியில் போட்டியிட்டு வென்று எம்.பி. ஆனார். இதனால், நாங்குநேரி சட்டமன்ற தொகுதி காலியானது. இதேபோல, விக்கிரவாண்டி திமுக எம்.எல்.ஏ ராதாமணி கடந்த ஜுன் மாதம் உடல்நலக்குறைவால் காலமானார். இதனால், இந்தத் தொகுதி காலியானதாக அறிவிக்கப்பட்டது. இந்த இரண்டு தொகுதிகளுக்கான தேர்தல் தேதிகளையும் இன்று செய்தியாளர்களை சந்தித்த தலைமை தேர்தல் ஆணையர் சுனில் அரோரா அறிவித்தார்.

அதன்படி, விக்கிரவாண்டி மற்றும் நாங்குநேரி தொகுதிகளில் அக்டோபர் 21ம் தேதி இடைத்தேர்தல் நடைபெறவுள்ளது. வேட்பு மனு தாக்கல் செப் 23ம் தேதி தொடங்கி செப்.30ம் முடிவடையும். என தெரிவிக்கப்பட்டுள்ளது. மேலும், அக்டோபர் 1ம் தேதியன்று வேட்பு மனு பரிசீலனை நடைபெறவுள்ளது. வேட்பு மனுக்களை திரும்ப பெற அக்.3ம் தேதி கடைசி நாளாகும். இத்தேர்தலில் பதிவான வாக்குகளின் எண்ணிக்கை அக்டோபர் 24ம் தேதியன்று நடைபெறும் என தெரிவிக்கப்பட்டுள்ளது. இதனால் இடைத்தேர்தலுக்கான பணிகளை கட்சிகளும் துவங்கியுள்ளன. அந்த வகையில், இடைத்தேர்தலில் போட்டியிட விரும்புவோர் நாளை முதல் விருப்பமனு அளிக்கலாம் என அதிமுக தலைமை அறிவித்துள்ளது.

இதுகுறித்து அதிமுக தலைமை வெளியிட்டுள்ள அறிவிப்பில், விக்கரவாண்டி, நாங்குநேரி ஆகிய சட்டமன்ற தொகுதிகளுக்கான இடைத்தேர்தல் 21.10.2019 அன்று நடைபெற உள்ளதை முன்னிட்டு, அனைத்திந்திய அண்ணா திராவிடே முன்னேற்றக் கழகத்தின் வேட்பாளர்களாக போட்டியிட விரும்புகின்ற கழக உறுப்பினர்கள், தலைமைக் கழகத்தில் 22.09.2019(ஞாயிற்றுக்கிழமை) முதல் விண்ணப்பங்களை பெற்றுக்கொள்ளலாம். ஞாயிற்றுக்கிழமை காலை 10 மணி முதல் பிற்கல் 3 மணி வரையிலும், 23.09.2019(திங்கட்கிழமை) காலை 10 மணி முதல் பிற்பகல் 3 மணி வரையிலும் விண்ணப்பங்கள் வழங்கப்படும். விண்ணப்ப கட்டணத் தொகையாக ரூ.25,000 செலுத்த வேண்டும். பூர்த்தி செய்யப்பட்ட விண்ணப்பங்களை 23.09.2019 அன்று பிற்பகல் 3 மணிக்குள் தவறாமல் தலைமைக் கழகத்திர் வழங்க வேண்டும் என்று கேட்டுக்கொள்கிறோம், என தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • KateWilliamNorthPak

    அரசு முறை பயணமாக பாகிஸ்தான் சென்றுள்ள இங்கிலாந்து இளவரசர்: பழங்குடியினர் நடன நிகழ்ச்சியை கண்டு உற்சாகம்

  • SouthPhilippinesEQ

    பிலிப்பைன்ஸ் நாட்டின் தெற்கு பகுதியை உலுக்கிய சக்திவாய்ந்த நிலநடுக்கம்: 5 பேர் உயிரிழப்பு..கட்டிடங்கள் சேதம்!

  • 17-10-2019

    17-10-2019 இன்றைய சிறப்பு படங்கள்

  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

படங்கள் வீடியோ கல்வி சினிமா ஜோ‌திட‌ம்