SUN குழுமத்திலிருந்து வெளிவரும் காலை நாளிதழ்

மாசுக்கட்டுப்பாடு அதிகாரி என கூறி கம்பெனி உரிமையாளரிடம் 5 லட்சம் கேட்டு மிரட்டல்: ஆசாமி கைது

2019-09-18@ 00:17:46

புழல்: செங்குன்றம் அருகே உள்ள தனியார் பிளாஸ்டிக் கம்பெனி உரிமையாளரிடம் மாசு கட்டுப்பாட்டு அதிகாரி என கூறி 5 லட்சம் பணம் கேட்டு மிரட்டிய ஆசாமியை போலீசார் கைது செய்தனர். சென்னை வேப்பேரியை சேர்ந்தவர் குணால் (25). இவர்,  செங்குன்றம் அடுத்த வடபெரும்பாக்கம் கன்னியம்மன் நகரில் பிளாஸ்டிக் மறுசுழற்சி செய்யும் கம்பெனி நடத்தி வருகிறார். நேற்று முன்தினம் மாலை சென்னை மாதவரம் டிமான்டி அவென்யூவை சேர்ந்த சுந்தர்ராஜ் (49) என்பவர் அந்த கம்பெனிக்கு சென்று, ‘நான் மாசு கட்டுப்பாட்டு அதிகாரி. உங்கள் கம்பெனி உரிய அனுமதி பெறாமல் இயங்கி வருவதாக எனக்கு  தகவல் வந்ததுள்ளது’’ என்று கூறியுள்ளார்.

பின்னர், உரிய அனுமதி பெற ₹5 லட்சம் தர வேண்டும் என உரிமையாளர் குணாலை மிரட்டியதாக கூறப்படுகிறது. சுந்தர்ராஜ் நடவடிக்கையில்  சந்தேகம் அடைந்த குணால் செங்குன்றம் போலீசுக்கு தகவல் தெரிவித்தார். உடனே இன்ஸ்பெக்டர் ஜவஹர்பீட்டர் தலைமையில் போலீசார் சம்பவ இடத்திற்கு சென்று சுந்தர்ராஜை கைது செய்தனர். இவரிடம், நடத்திய விசாரணையில், மாசு கட்டுப்பாட்டு அதிகாரி என கூறி, பல இடங்களில் பணம் கேட்டு மிரட்டியது  தெரியவந்தது. இவர் மீது செங்குன்றம் போலீசார் வழக்கு பதிவு செய்து பொன்னேரி கோர்ட்டில் ஆஜர்ப்படுத்தி புழல் ஜெயிலில் அடைத்தனர்.


மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்