SUN குழுமத்திலிருந்து வெளிவரும் காலை நாளிதழ்

தீபாவளி பண்டிகைக்கு கோ-ஆப்டெக்ஸ் விற்பனை இலக்கு 2.45 கோடி ரூபாய்: 30 சதவீதம் தள்ளுபடி

2019-09-17@ 12:49:38

விருதுநகர்: விருதுநகர் மாவட்டத்தில் 5 கோ-ஆப்டெக்ஸ் விற்பனை நிலையங்களின் தீபாவளி விற்பனை இலக்கு ரூ.2.45 கோடியாக நிர்ணயிக்கப்பட்டு இருப்பதாக கலெக்டர் சிவஞானம் தெரிவித்துள்ளார்.விருதுநகர் மெயின் பஜாரில் உள்ள கோ-ஆப்டெக்ஸ் விற்பனை நிலையத்தில் தீபாவளி விற்பனையை கலெக்டர் சிவஞானம் தொடங்கி வைத்து பேசியதாவது: தீபாவளி பண்டிகையை முன்னிட்டு கைத்தறி ரகங்களின் விற்பனையை அதிகரிக்க பட்டு, பருத்தி கைத்தறி ரகங்களுக்கு 30 சதவீதம் சிறப்பு தள்ளுபடி வழங்கப்படுகிறது. விருதுநகர் கோ-ஆப்டெக்ஸ் விற்பனை நிலையத்தில் பருத்தி, பட்டுச் சேலைகள், வெண்பட்டு சேலைகள், உடல்நலத்திற்கும் சுற்றுச்சூழலுக்கும் ஏற்ற ரசாயன உரங்களின்றி இயற்கை முறையில் தயாரிக்கப்பட்ட ஆர்கானிக் புடவைகள், கண்டாங்கி சேலைகள், படுக்கை விடுப்புகள், நவீன ஜீன்ஸ், டாப்ஸ், குர்தா வேட்டி, சுடிதார், என அனைத்து வித ஆடைகள் விற்பனைக்கு உள்ளது.

அரசு மற்றும் பொதுத்துதுறை நிறுவன ஊழியர்களுக்கு கடன் விற்பனை உண்டு. கோ-ஆப்டெக்ஸ் துணிகளை இணைய தளத்திலும் பெற்றுக்கொள்ளலாம். விருதுநகர் மாவட்டத்தில் விருதுநகர், அருப்புக்கோட்டை, ராஜபாளையம், சிவகாசி, திருவில்லிபுத்தூர் ஆகிய 5 விற்பனை நிலையங்கள் கடந்த தீபாவளியின் போது ரூ.2.12 கோடிக்கு விற்பனை செய்தன. நடப்பாண்டு இலக்காக ரூ.2.45 கோடி நிர்ணயம் செய்யப்பட்டுள்ளது. விருதுநகர் விற்பனை நிலையத்தில் கடந்த ஆண்டு தீபாவளிக்கு ரூ.45.53 லட்சத்திற்கு விற்பனை நடைபெற்றது. நடப்பாண்டில் விருதுநகர் விற்பனை நிலையம் ரூ.70 லட்சம் இலக்காக நிர்ணயம் செய்யப்பட்டுள்ளது என்றார். நிகழ்ச்சியில் கோ-ஆப்டெக்ஸ் மேலாளர்கள் குணசேகரன், சந்தனமாரி மற்றும் அதிகாரிகள் உடனிருந்தனர்.


மேலும் செய்திகள்

Like Us on Facebook Dinkaran Daily News
  • bday_day11

    ஏவுகணை நாயகனின் 88வது பிறந்த தினம் இன்று!.. : கனவுகளை விதைத்த அப்துல் கலாமின் அறிய புகைப்படங்கள்

  • 15-10-2019

    15-10-2019 இன்றைய சிறப்பு படங்கள்

  • MauCylinderBlastUP

    உ.பி.யில் சமையல் எரிவாயு சிலிண்டர் வெடித்து சிதறியதில் வீடு இடிந்து பெரும் விபத்து: 12 பேர் உயிரிழந்த பரிதாபம்!

  • NorthEastSyriaTurkey

    சிரியாவின் வட கிழக்கு பகுதியில் தொடர்ந்து வான்தாக்குதல் நடத்தி வரும் துருக்கி: அப்பாவி பொதுமக்கள் 9 பேர் உயிரிழப்பு!

  • DutchKingIndiaVisit

    அரசு முறை பயணமாக இந்தியா வந்துள்ள நெதர்லாந்து மன்னர்...: குடியரசு தலைவர் மாளிகையில் சிவப்பு கம்பள வரவேற்பு- புகைப்படங்கள்

படங்கள் வீடியோ கல்வி சினிமா ஜோ‌திட‌ம்