SUN குழுமத்திலிருந்து வெளிவரும் காலை நாளிதழ்

ஹாங்காங்கில் வன்முறை போராட்டம் நடத்தியவர்கள் மீது சீனா ஆதரவாளர்கள் தாக்குதல்

2019-09-15@ 03:47:56

ஹாங்காங்: ஹாங்காங்கில் சீன ஆதரவாளர்களுக்கும் எதிர்ப்பாளர்களுக்கும் இடையே நடைபெற்ற மோதலால் பரபரப்பு ஏற்பட்டுள்ளது. பிரிட்டன் கட்டுப்பாட்டில் இருந்து விடுதலை பெற்ற ஹாங்காங் 1997ல் சீனாவின் கட்டுப்பாட்டுக்கு மாறியது.
இந்த நிலையில் ஹாங்காங்கில் குற்றவாளிகள் என சந்தேகிக்கும் நபர்களை சீனாவிடம் ஒப்படைக்கும் சர்ச்சைக்குரிய மசோதாவுக்கு எதிராக ஹாங்காங் மக்கள் கடந்த 100 நாட்களாக போராடி வருகின்றனர். வார இறுதிநாட்களில் விமான நிலையங்களை முற்றுகையிட்டும், துறைமுகங்கத்திலும் போராட்டம் நடத்தி வருகின்றனர். இதனால், வர்த்தக நகரமான ஹாங்காங்கில் பெரும் பொருளாதார பாதிப்பு ஏற்பட்டுள்ளது.

போராட்டத்தில் ஈடுபட்டதாக இதுவரை 1400 பேரை போலீசார் கைது செய்துள்ளனர். இந்நிலையில், சர்ச்சைக்குரிய மசோதா வாபஸ் பெறப்படும் என ஹாங்காங் நிர்வாகம் தெரிவித்திருந்தது. இருப்பினும், போர்ட்டஸ் ஹில் மாவட்டத்தின் அமோய் பிளாசாவில் நேற்று குவிந்த அரசுக்கு எதிரான மக்கள் திடீரென பிரபலமான போராட்ட எதிர்ப்பு பாடலை பாடினர். அப்போது அங்கு குவிந்த அரசு ஆதரவாளர்கள் பதிலுக்கு சீன நாட்டுக்கொடியை ஏந்தியபடி அந்த நாட்டின் தேசியகீதத்தை பாடினர். அப்போது இரு தரப்பினரும் திடீரென மாறி மாறி தாக்கி கொண்டனர். இதில் ஏராளமானோர் காயம் அடைந்தனர். இதையடுத்து, போலீசார் அந்த மோதலை முடிவுக்கு கொண்டு வந்தனர். இது தொடர்பான வீடியோக்கள் சமூக வலைதளங்களில் அதிகம் பகிரப்பட்டுள்ளது.


மேலும் செய்திகள்

Like Us on Facebook Dinkaran Daily News
  • hailnewzealand

    நியூஸிலாந்தில் ஆலங்கட்டி மழை: ஒவ்வொன்றும் கோல்ஃப் பந்து அளவில் இருப்பதால் வீடுகள் சேதம்

  • petroliranprotest

    பெட்ரோல் விலை உயர்வை கண்டித்து ஈரான் மக்கள் நடத்தி வரும் போராட்டத்தில் இதுவரை 106 பேர் கொல்லப்பட்டதாக பரபரப்பு தகவல்

  • christmascele

    லண்டன், நியூயார்க் உள்ளிட்ட இடங்களில் களைகட்ட தொடங்கியுள்ள கிறிஸ்துமஸ் கொண்டாட்டம்!

  • ausfire2011

    ஆஸ்திரேலியாவில் மிகவும் மோசமடைந்துள்ள காட்டுத்தீ: பல்லாயிரம் ஏக்கர் கணக்கில் நிலங்கள் தீக்கரையானது!

  • goalmineexplodechina

    சீனாவில் உள்ள நிலக்கரி சுரங்கத்தில் திடீரென ஏற்பட்ட வெடி விபத்தால் 15 பேர் பலியான சோகம்!

படங்கள் வீடியோ கல்வி சினிமா ஜோ‌திட‌ம்