SUN குழுமத்திலிருந்து வெளிவரும் காலை நாளிதழ்

கரீபியன் பிரிமியர் லீக் டி20 கிறிஸ் கேல் அதிரடி சதம் வீண்

2019-09-12@ 01:09:47

செயிண்ட் கிட்ஸ்: கரீபியன் பிரிமியர் லீக் தொடரில், செயிண்ட் கிட்ஸ் & நெவிஸ் பேட்ரியாட்ஸ் அணிக்கு எதிராக ஜமைக்கா தல்லவாஸ் அணி வீரர் கிறிஸ் கேல் விளாசிய சதம் வீணானது. வெஸ்ட் இண்டீசில் நடைபெறும் இந்த தொடரில், பாசெட்டர் வார்னர் பார்க் மைதானத்தில் நேற்று நடந்த இப்போட்டியில், டாஸ் வென்ற செயிண்ட் கிட்ஸ் முதலில் பந்துவீசியது. ஜமைக்கா தல்லவாஸ் 20 ஓவரில் 4 விக்கெட் இழப்புக்கு 241 ரன் குவித்தது. தொடக்க வீரர் கிறிஸ் கேல் 116 ரன் (62 பந்து, 7 பவுண்டரி, 10 சிக்சர்), வால்டன் 73 ரன் (36 பந்து, 3 பவுண்டரி, 8 சிக்சர்), ரஸ்ஸல் 15 ரன் (8 பந்து, 2 சிக்சர்)  விளாசினர்.

அடுத்து களமிறங்கிய செயிண்ட் கிட்ஸ் 18.5 ஓவரிலேயே 6 விக்கெட் இழப்புக்கு 242 ரன் எடுத்து வெற்றியை வசப்படுத்தியது. தாமஸ் 71 ரன் (40 பந்து, 8 பவுண்டரி, 3 சிக்சர்), எவின் லூயிஸ் 53 ரன் (18 பந்து, 3 பவுண்டரி, 6 சிக்சர்), லாவ்ரி  எவன்ஸ் 37* ரன் (15 பந்து, 5 பவுண்டரி, 2 சிக்சர்), புரூக்ஸ் 27 ரன் (15 பந்து, 3 பவுண்டரி, 1 சிக்சர்) விளாசி அசத்தினர். கேப்டன் கார்லோஸ் பிராத்வெய்ட், ஜேசன் முகமது டக் அவுட்டானது குறிப்பிடத்தக்கது. எவின் லூயிஸ் ஆட்ட நாயகன் விருது பெற்றார்.

*சிபிஎல் டி20ல் கேல் இதுவரை 156 சிக்சர் விளாசி உள்ளார். வேறு யாரும் 100 சிக்சரை கூட இன்னும் எட்டவில்லை. அனைத்து டி20 போட்டிகளிலும் சேர்த்து 954 சிக்சர் தூக்கியுள்ளார். 1000 சிக்சர் விளாசிய அபூர்வ வீரராக சாதனை  படைக்கும் வாய்ப்பு பிரகாசமாக உள்ளது.


மேலும் செய்திகள்

Like Us on Facebook Dinkaran Daily News
  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

  • apayin_kuppai11

    ஸ்பெயினில் வரலாறு காணாத கனமழை : வெள்ளத்தில் இழுத்துச் செல்லப்பட்ட கார்கள் குப்பை போல குவிந்துள்ள அவலம்

  • protest_dailymail111

    சீனாவின் இலையுதிர்கால திருவிழா :மலைகளில் ‘போராட்டம் சார்ந்த வாசகத்துடன்’ விளக்குகளை ஏற்றிய ஹாங்காங் போராட்டக்காரர்கள்

படங்கள் வீடியோ கல்வி சினிமா ஜோ‌திட‌ம்