SUN குழுமத்திலிருந்து வெளிவரும் காலை நாளிதழ்

பஸ் விபத்தில் இறந்த பெண்ணின் குடும்பத்துக்கு 6 லட்சம் இழப்பீடு: எம்டிசிக்கு நீதிமன்றம் உத்தரவு

2019-09-12@ 00:47:44

சென்னை: பஸ்சில் இருந்து விழுந்து, இறந்த பெண் சித்தாள் குடும்பத்தினருக்கு 6 லட்சம் இழப்பீடு வழங்க எம்டிசி நிர்வாகத்துக்கு நீதிமன்றம் உத்தரவிட்டுள்ளது. சென்னை பள்ளிக்கரனை, கக்கன்ஜி தெருவை சேர்ந்தவர் சாரதா. இவர் சித்தாள் வேலை செய்து வந்தார். இந்தநிலையில் கடந்த 2016ம் ஆண்டு வேலைக்காக வெளியே சென்றுவிட்டு வீட்டிற்கு பஸ்சில் திரும்பி வந்து கொண்டிருந்தார்.  நன்மங்கலம் பேருந்து நிலையம் வந்தபோது சாரதா கையில் இரண்டு பைகளை எடுத்துக்கொண்டு பேருந்தில் இருந்து கீழே இறங்கியுள்ளார். ஆனால் அவர் இறங்குவதை பார்க்காமல் கவனக்குறைவாக டிரைவர் பேருந்தை எடுத்துள்ளார்.

அப்போது பேருந்தின் படியில் இருந்து சாரதா தவறி கீழே விழுந்து  தலையில் பலத்த காயம் ஏற்பட்டது. உடனே அருகே இருந்தவர்கள் அவரை மீட்டு தனியார் மருத்துவமனையில் சிகிச்சைக்காக அனுமதித்தனர். ஆனால் சிகிச்சை பலனின்றி  சாரதா உயிரிழந்தார்.
இதனால் அவரது இழப்பிற்கு சென்னை மாநகர போக்குவரத்து கழகத்திடம் இருந்து உரிய இழப்பீடு பெற்று தரக்கோரி அவரது உறவினர் சென்னையில் உள்ள மோட்டார் வாகன விபத்து வழக்குகளை விசாரிக்கும் நீதிமன்றத்தில் வழக்கு  தொடர்ந்தனர்.
இந்த வழக்கு சாந்தி முன்பு விசாரணைக்கு வந்தது. அப்போது வழக்கை விசாரித்த நீதிபதி, வழக்கில் சாரதா பஸ் ஓட்டுனரின் கவனக்குறைவால் உயிரிழந்துள்ளார்.  மேலும் அவர் சித்தாள் வேலை செய்து வந்துள்ளார். அதில் தினமும் 250 வரை வருமானம் வந்துள்ளது. எனவே அவரது வயதை கருத்தில் கொண்டு 6 லட்சத்து 44 ஆயிரத்து 500 இழப்பீடாக வழங்க சென்னை மாநகர போக்குவரத்து  கழகத்துக்கு உத்தரவிட்டார்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்