SUN குழுமத்திலிருந்து வெளிவரும் காலை நாளிதழ்

6 வயது சிறுமிக்கு தொல்லை முதியவருக்கு 2 ஆண்டு சிறை: மகளிர் நீதிமன்றம் உத்தரவு

2019-09-12@ 00:40:52

சென்னை: நெசப்பாக்கத்தில், 6 வயது சிறுமிக்கு தொல்லை கொடுத்த முதியவருக்கு 2 ஆண்டு சிறை தண்டனை விதித்து மகளிர் நீதிமன்றம் உத்தரவிட்டுள்ளது. சென்னை, நெசப்பாக்கம் பகுதியை சேர்ந்த 6 வயது சிறுமி கடந்த 2017ம் ஆண்டு வீட்டின் முன்பு விளையாடி கொண்டிருந்தாள். அப்போது அதே தெருவில் வசித்து வரும் மாரிமுத்து (60) என்பவர் சிறுமியை மறைவான இடத்திற்கு தூக்கி  சென்று தொல்லை கொடுத்துள்ளார்.  இதனால் அழுதுகொண்டே வீட்டிற்கு வந்த சிறுமி தனது தாயிடம் நடந்த சம்பவத்தை தெரிவித்துள்ளார். இதுகுறித்த புகாரின்பேரில் அசோக் நகர் அனைத்து மகளிர் காவல் நிலைய போலீசார் போக்சோ சட்டத்தின் கீழ் வழக்கு பதிவு செய்து  முதியவரை கைது செய்தனர்.

இந்த வழக்கு சென்னை, மகளிர் நீதிமன்றத்தில் நீதிபதி மஞ்சுளா முன்பு விசாரணைக்கு வந்தது. அரசு வக்கீல் ஸ்ரீலேகா ஆஜராகி வாதிட்டார். அப்போது வழக்கை விசாரித்த நீதிபதி, இந்த வழக்கில் சாட்சிகளிடம் நடத்தப்பட்ட விசாரணையில்  மாரிமுத்து மீதான குற்றச்சாட்டு நிரூபிக்கப்பட்டுள்ளது. எனவே 2 ஆண்டு சிறை தண்டனையும், ₹5 ஆயிரம் அபராதம் அதை செலுத்த தவறினால் மேலும் 6 மாதம் சிறை தண்டனை விதிக்கப்படுகிறது. பாதிக்கப்பட்ட சிறுமிக்கு அரசு ₹10 ஆயிரம்  வழங்க வேண்டும் என்று கூறி உத்தரவிட்டார்.


மேலும் செய்திகள்

Like Us on Facebook Dinkaran Daily News
  • 11-12-2019

    11-12-2019 இன்றைய சிறப்பு படங்கள்

  • jnu_studentss1

    குடியரசுத்தலைவர் மாளிகையை நோக்கி பேரணி சென்ற ஜேஎன்யு பல்கலை. மாணவர்கள் மீது கண்மூடித்தனமாக தடியடி நடத்திய போலீஸார்

  • bushfire_aussiee1

    ஆஸ்திரேலியாவில் 100-க்கும் மேற்பட்ட இடங்களில் புதர் தீ : புகை மண்டலமாக காட்சியளிக்கும் சிட்னி நகரம்

  • asutra_bushfirr1

    ஆஸ்திரேலியாவில் ஏற்பட்டுள்ள காட்டுத்தீயில் சிக்கி சுமார் 2000த்திற்கும் மேற்பட்ட கோலா விலங்குகள் உயிரிழப்பு

  • parani_deepam11

    கார்த்திகை தீபத் திருவிழா : தி.மலை அண்ணாமலையார் கோவிலில் பரணி தீபம் ஏற்றப்பட்டது

படங்கள் வீடியோ கல்வி சினிமா ஜோ‌திட‌ம்