SUN குழுமத்திலிருந்து வெளிவரும் காலை நாளிதழ்

மயிலாப்பூரில் உள்ள 125 ஆண்டுகள் பழமையான துர்கையம்மன் கோவிலில் ஐம்பொன் சிலை திருட்டு: போலீசார் விசாரணை

2019-09-11@ 15:46:20

சென்னை: சென்னை மயிலாப்பூரில் 125 ஆண்டுகள் பழமையான துர்கையம்மன் கோவிலில் ஐம்பொன் சிலை திருடப்பட்டுள்ளதாக காவல்நிலையத்தில் புகார் அளிக்கப்பட்டுள்ளது. மயிலாப்பூரில் உள்ள அப்பர்சாமி கோவில் தெருவில் உள்ள துர்கையம்மன் கோவில், தனியார் அறங்காவலர்கள் மூலம் நிர்வகிக்கப்பட்டு வருகிறது. இந்த கோவிலில் ஷங்கர் என்பவர் அர்ச்சகராக உள்ளார். நேற்று மாலை, இக்கோவிலில் ராகு கால விளக்கு பூஜை நடைபெற்றுள்ளது. இதனால், பெண்கள் கூட்டம் அதிகமாக இருந்த நிலையில், வழிபாடுகள் முடிந்து கூட்டம் கலைந்த பின் பார்த்தபோது கோவில் வளாகத்தில் இருந்த ஒரு அடி உயரம் கொண்ட ஐமபொன் கிருஷ்ணர் சிலை காணாமல் போனது தெரியவந்ததாக கூறப்படுகிறது.

இதுகுறித்து அச்சகர் ஷங்கரின் கொடுத்த தகவலின் பேரில் அறங்காவலர் குழு தலைவர் ஜீவா, மயிலாப்பூர் காவல்நிலையத்தில் புகாரளித்துள்ளார். கோவிலின் உள்ளேயும், வெளியிலும் சிசிடிவி கேமராக்கள் இல்லாத நிலையில், சுற்றுவட்டாரத்தில் உள்ள சிசிடிவி கேமராக்களை போலீசார் ஆய்வு செய்து வருகின்றனர். சிலை இருந்த இடத்தில், கைரேகை நிபுணர்கள், கைரேகைகளை பதிவு செய்துள்ளனர். 13 ஆண்டுகளுக்கு முன் கோயிலுக்காக பக்தர் ஒருவரால் கொடுக்கப்பட்ட சிலையின் அப்போதைய மதிப்பு 35 ஆயிரம் என கோயில் நிர்வாகி தெரிவித்துள்ளார். அது கோயில் வளாகத்தில் தனியாக பிரதிஷ்டை செய்யப்பட்டு பக்தர்கள் வணங்குவதற்காக வைக்கப்பட்டுள்ளது. இந்நிலையில், நெரிசல் மிகுந்த பூஜைவேளையில் பக்தர் போர்வையில் சிலை திருடிச் செல்லப்பட்டதால் அப்பகுதியில் பரபரப்பு ஏற்பட்டுள்ளது.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்