SUN குழுமத்திலிருந்து வெளிவரும் காலை நாளிதழ்

காதலனுக்கு 21 வயதான பிறகே திருமணம் கல்லூரி மாணவி விடுதியில் தங்கி படிப்பை தொடரலாம்: ஐகோர்ட் கிளை உத்தரவு

2019-09-06@ 00:37:59

மதுரை: பதினெட்டு வயதான கல்லூரி மாணவியும், 19 வயதான டிரைவரும் காதலித்த விவகாரத்தில், காதலனுக்கு 21 வயதான பிறகே திருமணம் செய்ய முடியும். எனவே மாணவி 2 ஆண்டுகள் விடுதியில் தங்கி படிப்பை தொடரலாம் என  ஐகோர்ட் கிளை உத்தரவிட்டுள்ளது.நெல்லை, ராதாபுரத்தைச் சேர்ந்த குமார், மாயமான தனது மகளை மீட்டு ஆஜர்படுத்தக் கோரி ஐகோர்ட் மதுரை கிளையில் ஆட்கொணர்வு மனு தாக்கல் செய்திருந்தார். இந்த மனுவை விசாரித்த நீதிபதிகள் எஸ்.வைத்தியநாதன், என்.ஆனந்த்  வெங்கடேஷ் ஆகியோர் பிறப்பித்த உத்தரவு: மனுதாரரின் மகள் தற்போது 18 வயதை அடைந்துள்ளதாகவும், திருமணத்திற்கு முன்பாக அவரது பட்டப்படிப்பை முடிக்கவேண்டும் என அவரது தந்தை கூறியுள்ளார். அதே நேரம் அந்தப் ெபண்ணோ, தான் ஒருவரை காதலிப்பதாகவும்,  படிப்பை தொடருவதாகவும், தந்தையுடன் செல்ல விருப்பம் இல்லை என்றும் கூறியுள்ளார். அந்தப் பெண்ணை காதலிக்கும் நபரோ, தங்களது காதல் திருமணத்திற்கு அவரது பெற்றோர் சம்மதம் தெரிவித்துள்ளதாகவும், காதலியை தொடர்ந்து  படிக்க வைப்பதாகவும் கூறியுள்ளார்.

அதே நேரம், அந்த பெண் விடுதியிலிருந்து படி ப்பை தொடர்வதாகவும், படிப்பு முடிந்த இரண்டு ஆண்டுக்கு பிறகே திருமணம் குறித்த முடிவெடுக்க உள்ளதாகவும் கூறியுள்ளார். சம்பந்தப்பட்ட பெண் 18 வயது நிரம்பியவர். எனவே, அவரது  முடிவில் நீதிமன்றம் தலையிட முடியாது. ஆனால் டிரைவரான அவரது காதலனுக்கோ 19 வயது. சட்டப்படி 21 வயதில் தான் திருமணம் செய்ய முடியும். எனவே, மனுதாரரின் மகள் 2 ஆண்டுகள் விடுதியில் தங்கி கல்லூரி படிப்பை முடிக்க  வேண்டும். அதன் பிறகு இருவரும் திருமணம் குறித்த முடிவெடுக்கலாம். மனுதாரரின் விருப்பத்தையும் கேட்கலாம். இவ்வாறு உத்தரவிட்டு மனுவை முடித்து வைத்தனர்.


மேலும் செய்திகள்

Like Us on Facebook Dinkaran Daily News
  • 22-11-2019

    22-11-2019 இன்றைய சிறப்பு படங்கள்

  • watervapormoon

    வியாழன் கோளை சுற்றி வரும் யூரோபா நிலவில் நீராவி தடயங்கள் இருப்பதை உறுதி செய்துள்ளது நாசா!

  • kuwaitcamelRace

    குவைத்தில் ஒட்டகங்களுக்கான ஓட்டப்பந்தயம்: ரோபோ ஜாக்கி மூலம் ஒட்டகங்கள் போட்டியிட்டன ..புகைப்படங்கள்!

  • amazonTraders

    Amazon, Flipkart- க்கு எதிராக டெல்லியில் நேற்று போராட்டத்தில் குதித்த அகில இந்திய வணிகர்கள் சங்கம்!

  • dubaiairshow2019

    துபாயில் வெகு விமர்சையாக நடைபெற்ற விமான கண்காட்சி: கண்கவர் சாகசங்களை செய்து ஆச்சர்யத்தில் ஆழ்த்திய வீரர்கள்!

படங்கள் வீடியோ கல்வி சினிமா ஜோ‌திட‌ம்